Бугун,

  • USD 11095.31
  • RUB 173.84
  • EUR 10772.44

Дидли ва жозибадор кўриниш учун гардеробингиз тўлиб-тошиши шарт эмас. Ундаги либослар сони эмас, сифати муҳим. Замонавий аёлнинг гардеробидан қуйидаги бичимдаги моделлар ўрин олса кифоя.

Фото: Marie Claire

Фото: Marie Claire

Кундалик вариант

Фото: Marie Claire

Фото: Marie Claire

Универсал гардеробни ҳамма нарса билан мослаш мумкин бўлган либосдан бошлаш керак. Бунда танлов борасида сипо ва оддий бичимли моделга эътибор қаратиш тавсия қилинади. Трапеция бичимидаги кенг либос ҳар куни кийиш учун энг яхши вариант. Этаклари кенгроқ бичимли мазкур либос нафақат озғин, балки тўладан келганлар учун ҳам мос келади.

Қора классик услубдаги либос

Фото: Marie Claire

Фото: Marie Claire

Мазкур кўйлакни исталган ер ва жойга кийиши мумкинлиги сабаб ҳам узоқ йиллардан бери урфдан қолмайди. Бундай либосни ишга ёки ёрқин аксессуарлар қўшиб, кечки тадбирларга ҳам кийса бўлади. Қолаверса, классик услубдаги либос қомат қандай бўлишидан қатъий назар барчага ярашади. Уни кроссовка, чарм ёки жинси куртка, бўлмаса пошнали туфли ва блейзер билан мослаб кийса бўлади.

Кўйлак-либос

Фото: Marie Claire

Фото: Marie Claire

Илк марта Коко Шанел томонидан тақдим қилинган бундай бичимли либос аёллар гардероби учун муҳим. Кўйлак-либосни кундаликка, оқшом учрашувларига ҳам кийса бўлади. Ишга ўзини, алоҳида учрашувларга эса ёрқин аксессуарлар билан бирга кийиш тавсия қилинади.

Сарафан

Фото: Marie Claire

Фото: Marie Claire

Яна бир универсал вариант — оддий бичимли ёки А-силуэтли сарафан. Сарафанни ёзда футболка билан, совуқ кунларда эса водолазка ва жемферлар билан кийиш мумкин. Қайси фаслда кийишдан қатъий назар, танлов борасида табиий матодан тикилганига эътибор қаратиш тавсия қилинади.

Кечки либос

Фото: Marie Claire

Фото: Marie Claire

Тўй, туғилган кун ва бошқа тадбирлар учун узун либос — яхши вариант. Уни фақат баланд бўйли қизлар кийиши мумкин, деган қараш нотўғри. Тўғри танланса, ҳаммага ярашиши мумкин. Бўйи баланд бўлмаган қизларга узун либосни «вирез»лисини, тўла аёлларга эса бел қисмига урғу берилган моделларни танлаш тавсия қилинади.

«Коктейль» либослар

Фото: Marie Claire

Фото: Marie Claire

Романтик бичимли ёки узун либосларни кийиш учун ҳар доим ҳам сабаб топилмаслиги мумкин, лекин оддий ва бачкана бўлмаган либосларни кийиш учун сабаб шарт эмас, улар ҳар доим долзарб. Шу сабаб эътиборингизни ўзгача кўринишдаги, шу билан бирга, етарлича расмий моделларга қаратинг ва борадиган жойингизга қараб оёқ кийим ва куртка мосланг.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Дунё
«Сирли одам» — Мурали Лал Жаланнинг Minerva City бўйича интервьюси баҳсларга сабаб бўлмоқда. Лал Жалан аслида ким?
Спорт
Бобур Абдухолиқов Беларусда мавсумнинг энг яхши тўпурари ва энг яхши футболчиси совринига эга чиқди