Футбол бўйича Италия А Сериясининг 5-турида «Женоа» 24 октябрь, шанба куни «Интер»ни қабул қилди.
Учрашув кутилганидек миланликларнинг устунлигида кечди, майдон эгалари эса ҳимояга эътибор қаратган ҳолда, қарши ҳужумларга таяниб ҳаракат қилди. Бироқ биринчи бўлимда «Интер» генуяликлар дарвозаси томон йўл топа олмади.
64-дақиқада Ромелу Лукаку жамоасининг ҳужумларидан бирини муваффақиятли якунлади. 79-дақиқада Данило Д`Амброзио меҳмонларнинг иккинчи голини урди.
Ўзбекистонлик ҳужумчи Элдор Шомуродов учрашувнинг 65-дақиқасида захирадан майдонга қўшилди.
Ушбу ғалабадан кейин «Интер» очколарини 10 тага етказиб олган ҳолда 3-ўринга кўтарилди. «Женоа» эса 4 очко билан 12-ўринда бормоқда.
«Женоа» кейинги турда «Сампдория»га қарши дербида иштирок этади. Антонио Конте шогирдлари эса «Парма» билан ўйнайди.
А Серия
5-тур баҳслари
24 октябрь, шанба
«Аталанта» — «Сампдория» 1:3
Голлар: 0:1 – 13 Куальярелла, 0:2 – 59 Торсбю, 1:2 – 80, пенальти Сапата, 1:3 – 90+2 Янкто.«Женоа» — «Интер» 0:2
Голлар: 0:1 – 64 Лукаку, 0:2 – 79 Д`Амброзио.«Женоа»: Перин, Гильоне, Голданига, Сапата, Чиборра (Пеллегрини, 46), Бадель (Зайц, 61), Беҳрами (Радованович, 61), Пьяца (Шомуродов, 65), Ровелла (Мелегони, 84), Бани, Пандев.
«Интер»: Ҳанданович, Д`Амброзио, Раноккия, Бастони, Дармиан (Коларов, 80), Видаль (Наингголан, 80), Перишич (Ҳакими, 58), Брозович, Эриксен (Барелла, 58), Мартинес (Пинамонти, 72), Лукаку.
Огоҳлантиришлар: Мартинес (40), Бани (86).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)