Самарқандлик таниқли тадбиркор, «Умар» қурилиш компанияси раҳбари, халқ орасида Умар номини олган Олим Ражабовга нисбатан қўзғатилган жиноят иши бўйича 2019 йилда суд ҳукми чиқарилиб, тадбиркор 11 йилга озодликдан маҳрум этилганди. Жиноят ишлари бўйича Самарқанд вилоят суди судьяси И.Ҳамидовнинг «Zarnews»га маълум қилишича, мазкур суд ҳукми бўйича апелляция иши кўриб чиқилган.
Жиноят ишлари бўйича Самарқанд вилоят суди апелляция инстанцияси судлов ҳайъатининг 2020 йил 7 октябрдаги ажримига кўра, юқорида қайд қилинган ҳукмнинг Олим Ражабов, Руслан Ражабов, Шавкат Аблақулов, Мираълам Адилов ва Файзулло Файзиевга оид қисми ўзгартирилган.
Судланувчи Олим Ражабов, Руслан Ражабов, Шавкат Аблақулов, Мираълам Адилов ва Файзулло Файзиевлардан солидар тартибда жабрланувчилар фойдасига қуйидаги миқдорлардаги маблағларни ундириш белгиланган.
- жабрланувчи О.Халилова фойдасига 216 миллион сўм;
- жабрланувчи М.Жалилова фойдасига 266 миллион 220 минг 920 сўм;
- жабрланувчи Д.Сафоева фойдасига 292 миллион 189 минг 360 сўм;
- жабрланувчи М.Хуррамова фойдасига 100 миллион 530 минг сўм;
- жабрланувчи М.Қурбонова фойдасига 1 миллиард 654 миллион 372 минг 860 сўм;
- жабрланувчи К.Ғаниев фойдасига 573 миллион 899 минг 853 сўм;
- жабрланувчи М.Собирова фойдасига 277 миллион 697 минг 250 сўм;
- жабрланувчи Э.Маҳмудова фойдасига 385 миллион 69 минг 545 сўм;
- жабрланувчи Г.Хўжаева фойдасига 365 миллион 760 минг 370 сўм;
- жабрланувчи Ф.Исомов фойдасига 247 миллион 205 минг 140 сўм.
- «Афросиёб Хосият Бегим Макони» МЧЖ номидаги 51 миллион сўмлик «Зил-133 ГЯ», 31,5 миллион сўмлик «ВАЗ-2104», 28,068 миллион сўмлик «Бульдозер Т-170»;
- «Қурилиш Маҳсулот Транс Сервис» МЧЖ номидаги 70 миллион 432 минг 256 сўмлик Lacetti, 32,5 миллион сўмлик «ВАЗ-21041-30»;
- «Хотам Строй Инвест» МЧЖ номидаги 60 миллион 179 минг 600 сўмлик Spark;
- «Afrosiab Realty» МЧЖ номидаги 50,054 миллион сўмлик Damas, 48 миллион сўмлик «ЗИЛ ММЗ-554», 36 миллион 41 минг 678 сўмлик Spark.
Пастдарғом тумани Жума шаҳри «Бўстон» маҳалласида «Afrosiab Realty» МЧЖ томонидан кўп қаватли турар жой бинолари қурилиши бўйича жабрланувчиларга келгусида моддий зарарларни ундириш борасида судга мурожаат қилиш ҳуқуқига эга эканлиги тушунтирилган.
Суд ҳукми ва апелляция инстанциясининг ажрими билан жабрланувчиларга етказилган моддий зарарларни ундириш учун Мажбурий ижро бюроси ҳудудий бўлимларига ижро варақалари юборилиб, ижроси қонун ҳужжатларига асосан таъминланади.
Эслатиб ўтамиз, «Умар» қурилиш компанияси қурган уйлар атрофидаги можаролар 2 йил давом этган. Тадбиркорга рухсатнома олмасдан туриб уй-жойлар қуришни бошлагани ва бўлажак харидорлардан 900 миллион сўмдан ортиқ нақд пул маблағ йиғиб олганлик бўйича айблов қўйилганди. Мазкур айблов сабаб Умар Ражабов ва унинг ҳамкорлари Жиноят кодексининг 168-моддаси 3, 4-бандларида (фирибгарлик) кўзда тутилган жиноятда айбланиб, 2019 йилнинг февраль ойида ҳибсга олинганди.
Изоҳ (0)