Бугун,

  • USD 11095.31
  • RUB 173.84
  • EUR 10772.44

Қозоғистонда «Буханка» автобуси базасида яратилган «ТТC-34014» гусеницали вездеходи сотувга қўйилди. Бу каби машиналар Нижегород вилоятидаги корхона томонидан кичик партияда йиғилган. Гусеницали «Буханка» учун сотувчи 7,8 миллион тенге (18 минг доллар) сўрамоқда. Россияда бу пулга «СГР» оиласига кирувчи иккита янги автобус харид қилиш мумкин, деб хабар беради Motor.

Фото: «Kolesa.kz»

Фото: «Kolesa.kz»

Гусеницали «Ветлуга» — бу Россиянинг «ТрансМаш» компанияси лойиҳаси. Автомобиль енгил вездеход синфига киради, унинг асосий вазифаси — одамлар ёки юкларни йўлсиз ҳудудларга, шу жумладан, қор ва ботқоқли жойларга элтишдан иборат. Машина фургон ва қайиқ гибриди кўринишига эга: остки қисми герметик бўлиб, сузишга имкон беради, тумшуқ қисми эса кўтарилган, шу сабабли «Ветлуга» кескин қияликларни ҳам босиб ўта олади.

Вездеход 2,9 литрли бензин двигатель ёрдамида ҳаракатга келади. Motor эса механик узатмалар қутиси ёрдамида бошқарилади. Максимал тезлиги соатига 60 километрни ташкил этади. Эълон муаллифининг сўзларига кўра, мазкур «Ветлуга» ҳозирга қадар 260 километргина йўл босган.

«Ветлуга»нинг бир неча модификацияси бўлиб, улар ўриндиқлари сони билан бир-биридан фарқ қилади. Сотувга қўйилган нусха ичига тўққиз йўловчи сиғади.

Аввалроқ Американинг Racing Junk онлайн майдончасида гусеницали йўлтанламасга айлантирилган Ford Aerostar сотувга қўйилгани тўғрисида хабар берилганди.

Изоҳ
Asosiy yangiliklar
Маҳаллий
Ўзбекистонда талабалар учун қишки таътил муддати белгиланди
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда сўнгги суткада 153 кишида коронавирус аниқланди