Лондон марказидаги чорраҳаларнинг бирида иккита Ferrari модели — 458 Spider ва 812 Superfast, шунингдек, BMW М6 Gran Coupe иштирокида йўл-транспорт ҳодисаси содир бўлган. Авария оқибатида автомобилларнинг барчасига жиддий зарар етган, деб хабар беради Motor.
Британия полицияси авария нима сабабдан юзага келганини аниқлаш билан шуғулланмоқда. Тахминларга кўра, Ferrari 458 Spider ҳайдовчиси йўлдан чалғиб кетган ва светофорнинг қизил чироғини кўрмай қолган. Натижада эътиборсиз Ferrari 812 қора спорткари яшил чироқ ёнишини кутиб турган BMW М6 Gran Coupe’га урилган.
ЙТҲ оқибатида автомобилларнинг барчасига шикаст етган. Энг катта зарарни ЙТҲнинг тахминий айбдори кўрган. Тўқнашувда Spider’нинг капоти пачоқланган. Суперкарнинг олд бампери қисман тушиб кетган, олд чап ғилдираги эса қийшайган. Автомобиль салонидаги ён хавфсизлик ёстиқчаси ишлаб кетган.
Ferrari 812’нинг эса орқа бамбери, чап қаноти, шунингдек, газ чиқариш тизими деталлари шикастланган. Суперкарнинг ташқи элементларини яратишда углепластик материалларидан фойдаланилгани сабаб автомобилни қайта таъмирлашга яхшигина маблағ сарфлашга тўғри келади. BMW М6’нинг орқа ўнг ғилдираги ва қанотига зарар етган. Автомобилларнинг барчаси ЙТҲ жойидан эвакуаторда олиб кетилган.
Аввалроқ испаниялик эркак дўстининг 235 минг евролик Lamborghini’сини уриб пачоқ қилгани тўғрисида хабар берилганди.
Мавзуга доир: Видео: Текис йўлда тўқнашган иккита ноёб Lamborghini
Изоҳ (0)