«Қадринг баланд бўлсин, она тилим!»: «Ўздонмаҳсулот» АКда ўзбек тилига бағишланган тадбир

«Миллий тилни йўқотмак миллатнинг руҳини йўқотмакдур», — деган эди миллат равнақи йўлида жон куйдирган бобомиз Абдулла Авлоний.

«Ўздонмаҳсулот» акциядорлик компаниясида ҳам она тилимизнинг мавқейини ошириш, уни ривожлантириш йўлида салмоқли ишлар қилинмоқда. Жумладан, компания ва унинг  таркибидаги корхоналарда 21 октябрь — ўзбек тили байрами куни муносабати билан элимиз ардоғидаги ёзувчи ва шоирлар иштирокида байрам тадбири ва бадиий кечалар  ташкил этилди.

Хусусан, «Ғалла-Алтег» акциядорлик жамиятида ўтказилган тадбир иштирокчиларда алоҳида таассурот қолдирди. Тадбирда сўзга чиққанлар томонидан корхона томонидан мунтазам равишда давлат тилига оид қонун ҳужжатлари тарғиботи ўтказилиб, уларга сўзсиз риоя этилишини таъминлаш юзасидан бир қатор ишлар амалга ошириб келинаётганлиги алоҳида таъкидлаб ўтилди.  Корхонада ташкил этилган мутолаа хонаси китоб фонди мунтазам равишда янгиланиб, сўнгги нашрдаги «Имло луғати», «Ўзбек тилининг изоҳли луғати» ҳамда «Ўзбек тилида иш юритиш» каби қўлланмалардан ходимларнинг мунтазам равишда ва самарали фойдаланишлари учун барча шарт-шароитлар яратилган.

Таъкидлаш лозимки, «Ўздонмаҳсулот» АК ва унинг таркибидаги корхоналарда ўзаро ҳужжат алмашинув тизими тўлиқ ўзбек тилида амалга оширилиб, ўзбек тилининг имло ва грамматика қоидаларига амал қилган ҳолда олиб борилиши устидан назорат олиб борилади. Шунингдек, термин ва соҳавий атамаларнинг ўзбек тилидаги муқобили мавжуд сўзларга алмаштирилиши, ўзбек тили имкониятларидан кенг ва самарали фойдаланишга алоҳида эътибор қаратиб келинмоқда. Бу хусусда тизимдаги корхоналарнинг масъул ходимларига ҳам тегишли кўрсатмалар берилган бўлиб, компания таркибидаги корхоналарда ҳам айни жиҳатлар устидан назорат олиб борилмоқда.

Тадбирда таъкидланганидек, корхонада ўзбек тилининг нуфузини янада ошириш, ходимлар ўртасида давлат тилининг ўрни ва аҳамияти борасида тушинтириш ишлари олиб боришнинг самарали усулларидан фойдаланиш хусусида амалга ошириб келинаётган ишлар хусусида маълумот берилди.

Тадбирнинг бадиий қисмида ўзбек тилида ижод қилган буюк алломаларимиз, шоир ва ёзувчиларимизнинг ижодидан ўрин эгаллаган шеър ва ғазаллар ижро этилди. Таклиф этилган ёш умидли ёзувчи ва шоирлар томонидан бетакрор ижод намуналари йиғилганлар эътиборига ҳавола этилди.

Реклама ҳуқуқи асосида