Бутун дунёда рақамли технологиялар барча соҳа ва одамлар ҳаётига жадал кириб бормоқда. Бу йўналишга ўз вақтида киришган давлатлар ривожланиб, аксинча, эскича ишлаганлар тараққиётдан орқада қоляпти.
Жорий йил мамлакатимизда «Илм, маърифат ва рақамли иқтисодиётни ривожлантириш йили» деб эълон қилиниб, бу борада катта ишлар бошланди. Хусусан, кадастр соҳасида ҳам сўнги вақтда катта ўзгаришлар бўлмоқда.
Бугунги мақоламизда Тошкент шаҳри мисолида кадастр соҳасида рақамлаштириш бўйича олиб борилаётган ишлар тўғрисида маълумот бериб ўтмоқчимиз.
Интеграция (лот. integratio — тиклаш, тўлдириш, integer — бутун сўзидан) — системанинг айрим қисмлари ва функцияларини ўзаро боғлиқлик ҳолатини ҳамда шундай ҳолатга олиб борувчи жараённи ифодалайдиган тушунчадир.
Интеграция бу Ахборот тизимларини ўзаро маълум бир мақсад учун боғлаш жараёндир.
Кадастр ахборот тизими бугунги кунда 9 дан ошиқ манфаатдор вазирлик ва идоралар ахборот тизимлари билан интеграция қилинган.
Биринчи интеграция — Ўзбекистон Республикаси Давлат солиқ қўмитаси
Интеграциядан мақсад, кўчмас мулк объектлари бўйича ер ва мол-мулк солиқларни ҳисоблаб чиқариш учун, солиқ базаси сифатида кўчмас мулк объекти ҳисобланади. Кўчмас мулк объекти ҳақида маълумотларни солиқ ахборот тизимига тақдим этишдан иборат.
Жорий йилнинг 9 ойи давомида 173 мингдан ортиқ объект бўйича ахборот тақдим этилган (мулкдорлари ўзгаргани, кадастр қиймати, майдонлари ўзгарганлиги каби маълумотлардир).
Эслатиб ўтамиз, кадастр ахборот тизими билан солиқ ахборот тизими интеграцияси илк бор 2008 йилда жорий этилган. Бу эса, кадастрда ахборот тизимининг 1-интеграцияси ҳисобланади.
Иккинчи интеграция — нотариал идоралар
Интеграциядан мақсад, барчамизга маълум кўчмас мулк объектлари бўйича бирон бир нотариал битимларни амалга оширишда кўчмас мулк объектларининг маълумотномалар, давлат рўйхатидан ўтказилган кўчирмаси, тақиқ ва чеклов ҳамда мулкдорлари ва ҳужжатлари ҳақидаги ахборотларни электрон шаклда тақдим этишдан иборат.
Жорий йилнинг 9 ой давомида нотариал идора билан кўчмас мулк объектлари бўйича 280 мингта ахборотлар алмашинуви амалга оширилди.
Учинчи интеграция — Мажбурий ижро бюроси
Интеграциядан мақсад, электрон тарзда жисмоний ва юридик шахсларнинг номидаги кўчмас мулк объектларнинг аниқлаш, зарур ҳолларда кўчмас мулк объектларига тақиқ қўйиш ва тақиқларни ечишни амалга оширишдан иборат.
2020 йилнинг 9 ойи давомида Мажбурий ижро бюроси билан электрон ахборотлар алмашинуви бўйича рақамларга эътиборимизни қарацак, жами 3 млн. 12 минг та ахборот алмашинуви амалга оширилган. Шундан,
- 3 млн. 4157 таси жисмоний ва юридик шахсларни номида кўчмас мулк объект мавжудлиги ёки мавжуд эмаслиги бўйича сўровномалар келиб тушган ҳамда жавоблар автоматик тарзда тақдим этилган;
- 5 минг таси эса, кўчмас мулк объектига тақиқ қўйиш;
- 2 843 таси кўчмас мулк объектига қўйилган тақиқни ечишдан иборат.
Тўртинчи интеграция – Ички ишлар вазирлиги
Интеграциядан мақсад, фуқароларни электрон кўринишда вақтинча ва доимий рўйхатга олишда ва рўйхатдан чиқаришдан иборат (халқ тилида пропискага қўйиш дейилади).
Бу йўналишда 2020 йил 9 ой давомида 667 мингта ахборотлар алмашинуви амалга оширилиб, вақтинча ва доимий рўйхатга олиш, рўйхатдан чиқариш учун кўчмас мулк объектлари ҳақидаги сўровномаларга онлайн тарзда жавоб юборилган.
Бешинчи интеграция – Давлат хизматлар агентлиги ҳамда Ягона интерактив давлат хизматлари портали (ЯIDXP)
Интеграциядан мақсад, кўчмас мулк эгалари аввалги тартибда, идорама-идора сарсон бўлиб, ҳужжатларни ҳокимият органларидан, қурилиш ташкилотлари, нотариат ҳамда кадастр идоралари ўртасида сарсон бўлиб юрган бўлса, янги тартиб бўйича ҳамма ишлар Давлат хизматлари агентлигида мужассамлаштиришдан иборат.
Шунингдек, Ягона интерактив давлат хизматлари порталга янги фойдаланувчи рўйхатдан ўтиш жараёнида (авторизация) фуқаронинг шахсий маълумотлари асосида тизим кўчмас мулк ахборот тизимидан автоматик равишда, ушбу фойдаланувчининг номидаги кўчмас мулк объектларини фойдаланувчининг шахсий кабинетида кўриш имкониятини яратади.
Ушбу портал имкониятлари натижасида, фойдаланувчи бевосита мулкида бўлган кўчмас мулк объекти бўйича коммунал ташкилотлар билан интеграцияланган тизимлар ёрдамида иссиқ сув, электр, газ таъминоти каби бошқа маълумотларни кўриш имкониятлари мавжудлиги алоҳида аҳамиятга эгадир.
Мазкур интеграциялар натижасида, 2020 йилннг 9 ойи давомида 400 000 та ахборотлар алмашинувига эришди.
Энди юқорида санаб ўтилган портал билан интеграция жараёнида коммунал ташкилотлар ҳам санаб ўтилди. Бугунги кунда кўчмас мулк ахборот тизимининг олтинчи ва еттинчи ўринларида коммунал ташкилотлар туряпти. Яъни, Ўзбекэнерго АЖ ҳамда Тошиссиққувати ДУКлар.
Ушбу тизимларнинг интеграциясидан мақсад, кўчмас мулклар билан боғлиқ битимлар ёки кўчмас мулк тўғрисидаги маълумотлар ўзгарган тақдирда, яъни, уларнинг мулкдорлари, кўчмас мулк объектлари тўғрисидаги маълумотлар ўзгарганда, тизимлар интеграцияси натижасида коммунал ташкилотлар учун актуал маълумотларга эга бўлишини кўрсатиб ўтиш мумкин.
Тизимлар интеграция натижасида 9 ой давомида коммунал ташкилотларга кўчмас мулклар таркибида ўзгариш бўлган 173 мингдан ортиқ объектлар тўғрисида маълумотлар тақдим этилган.
Саккизинчи интеграция — COVID штаби
Интеграциядан мақсад: Ҳаммамизга маълумки, бу йил бутун дунёга коронавирус пандемияси хавф соляпти. Пандемия тарқалишини олдини олиш мақсадида COVID’га қарши курашиш штаби ташкил этилган бўлиб, ушбу штабга корхонанинг маълумотлар базасидан сўров орқали объектларнинг геофазовий маълумотлари ва манзиллари тўғрисидаги маълумотлар тақдим этилиши йўлга қўйилган.
Тўққизинчи интеграция — Давреестр ахборот тизими
Интеграциядан мақсад, Ўзбекистон Республикаси Вазирлар Маҳкамасининг 2018 йил 29 декабрдаги «Кўчмас мулк объектларига бўлган ҳуқуқларни давлат рўйхатидан ўтказиш тартибини такомиллаштириш чора-тадбирлари тўғрисида»га 1060-сонли қарорига асосан, кўчмас мулк объектларига бўлган ҳуқуқларни давлат рўйхатидан ўтказиш ва кадастр паспортларини шакллантириш ҳисобланади.
Ушбу тизим орқали ҳозирда 350 мингдан ортиқ ахборотлар алмашинуви амалга оширилган.
Кўчмас мулк ахборот тизимини юқорида санаб ўтилган 9 та ахборот тизимлари билан интеграция қилиш сабабли, жорий йилнинг 9 ой давомида жами бўлиб, 6 000 000 дан ортиқ ахборот алмашинуви амалга оширилганлиги таъкидлаб ўтиш лозим
Тошкент шаҳар Ер ресурслари ва давлат кадастри бошқармаси Матбуот хизмати
Реклама ҳуқуқи асосида
Изоҳ (0)