Бугун,

  • USD 11095.31
  • RUB 173.84
  • EUR 10772.44

Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов Тошкент шаҳридаги велойўлакчалар ҳамда аҳолининг оммавий спорт турлари билан шуғулланиши йўлида амалга оширилаётган ишларни яқиндан кўздан кечирди. Бу ҳақда қўмита матбуот хизмати хабар берди.

Фото: Туризмни ривожлантириш давлат қўмитаси

Фото: Туризмни ривожлантириш давлат қўмитаси

Азиз Абдуҳакимов бошчилигидаги ишчи гуруҳ 22 октябрда кун давомида пойтахтнинг Мирзо Улуғбек, Миробод ва Сергели туманлари бўйлаб ўрганиш ишларини олиб борган.

Таъкидланишича, ишчи гуруҳ вакиллари маҳаллий аҳоли ҳамда сайёҳларнинг велойўлакчалардан фойдаланиш ва хавфсиз ҳаракатланиши учун яратилаётган шароитлар билан танишиб чиққан. Жойларда бу йўналишда мавжуд камчиликлар ўрганилиб, уларни тезкор бартараф этишга оид чора-тадбирларни амалга оширишга келишиб олинган.

Фото: Туризмни ривожлантириш давлат қўмитаси

Фото: Туризмни ривожлантириш давлат қўмитаси

Азиз Абдуҳакимовнинг маълум қилишича, Шаҳрисабз кўчасидаги велойўлакча яқин 10 кун ичида эксплуатацияга топширилади. Бу йўлакчаларда кўзи ожиз кишилар хавфсиз ҳаракатланиши учун алоҳида жой ажратилган. «Бу йўлларни ўзимиз шахсан ҳаракатланиб, синаб кўрмасак, оммавий спорт ҳамда соғлом турмуш тарзини тарғиб қилишга доир ишлар жадал кетмайди», — дейди бош вазир ўринбосари.

Тошкент шаҳар ҳокимининг биринчи ўринбосари Даврон Ҳидоятов пойтахтда велойўлакчаларни бунёд этишга оид ишлар ҳақида сўз юритиб, Аҳмад Дониш кўчаси тўлиқ тайёр бўлгани, Фарғона йўли кўчаси битта томонининг ўзида 7 километр бўлган велойўлакча яратилаётганини маълум қилган.

Фото: Туризмни ривожлантириш давлат қўмитаси

Фото: Туризмни ривожлантириш давлат қўмитаси

Қайд этилишича, асосий камчиликлар айрим жойларда зинапоялар қурилиши ва бўёқ ишлари охирига етказилмаганлиги билан боғлиқ, лекин энг асосий муаммо автомобиллар эгаларининг ўз машиналарини тегишли белгилари бўлишига қарамасдан, велойўлакчаларга жойлаб қўйишида. Шу ўринда бош вазир ўринбосари пойтахт аҳолисига мурожаат қилган: «Пойтахтимиздаги барча автомобиль эгаларидан тегишли тартибга тўлиқ риоя этишларини, ўз машиналарини пиёдалар ёки велосипедчилар ҳаракатланувчи йўлакларда қолдирмасликларини сўраймиз!».

Фото: Туризмни ривожлантириш давлат қўмитаси

Фото: Туризмни ривожлантириш давлат қўмитаси

Бундан ташқари, Азиз Абдуҳакимов мутасаддиларга жойларда автотураргоҳлар ва велойўлакчаларни кўпайтириш, ободончилик ишларини кенгайтириш, соғлом турмуш тарзини тарғиб қилувчи маълумотларни кўпайтириш, махсус иловалар ишлаб чиқишга доир тегишли тавсия ва топшириқларни берган.

 

Изоҳ
Асосий янгиликлар
Дунё
Қозоғистон пойтахтида намойишлар бўлиб ўтмоқда (видео)
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж