Бугун,

  • USD 11095.31
  • RUB 173.84
  • EUR 10772.44

20 октябрь куни Қирғизистон Божхона хизмати раҳбарининг собиқ ўринбосари Раимбек Матраимов қўлга олинди. Бу ҳақда Миллий хавфсизлик давлат қўмитаси (МХДҚ) матбуот хизматига таяниб, Kloop хабар берди.

Фото: Kaktus.media

Фото: Kaktus.media

Маълумотларга кўра, 2016 йилдан буён Матраимов ва бошқа мансабдор шахслар Давлат божхона хизмати тизимида «божхона маъмуриятчилигидан яширин даромад олиш мақсадида» коррупцион схемани йўлга қўйиб келган.

«Коррупцион схема давлатга жуда катта миқдорда зарар етказди, аммо МХДҚ зарарнинг аниқ миқдори тўғрисида ҳали хабар бермади. Ҳозирда МХДҚ давлатга етказилган зарарнинг ҳажмини ўрнатиш ва божхона хизматида коррупцион схемага алоқадор бошқа шахсларни аниқлаш мақсадида тергов олиб бормоқда», — дейилади хабарда.

Эслатиб ўтамиз, Раимбек Матраимов Kloop, «Озодлик» ва ОCCRP журналистларининг Қирғизистондан 700 миллион АҚШ долларидан ортиқ маблағни олиб чиқиш бўйича олиб борган текширувида асосий шахслардан бири ҳисобланади.

2019 йил май ойида «Озодлик» Қирғизистондан 700 миллион долларни олиб чиқиб кетиш ва бунга Раимбек Матраимовнинг алоқадорлиги тўғрисида суриштирув ўтказганди. Кейинчалик Матраимовлар оиласи маблағларнинг олиб чиқиб кетилишига алоқадорлиги ҳақидаги маълумотни рад этган, молиявий полиция эса журналистларнинг далилларини текшириб, Матраимовларнинг мол-мулки чет элда топилмагани ҳақида баёнот берган.

2019 йилнинг кузида ОCCRP, «Озодлик» радиоси ва Kloop «Кланлар, коррупция ва Ипак йўлидаги контрабанда» номли журналистик суриштирувни эълон қилди. Унда хитойлик тадбиркор Ҳабибулла Абдуқодирнинг Қирғизистоннинг нуфузли амалдори Раим Матраимов билан алоқалари ҳақида сўз боради.

Фото: Kaktus.media

Фото: Kaktus.media

Журналистларга ахборот берган Аеркен Саймаити мамлакатдан 700 миллион доллардан ортиқ маблағни ноқонуний равишда олиб чиқиб кетганини тан олган ва коррупция тармоғи ўша пайтдаги Божхона хизмати раиси ўринбосари Раим Матраимов ёрдамида ташкил этилганини маълум қилганди. Шундан сўнг Саймаити қотиллик қурбонига айланди.

Аввалроқ Қирғизистон президенти вазифасини бажарувчи Садир Жапаров қонунчиликка ўзгартириш киритилса, президент сайловларида иштирок этишга тайёрлигини айтган эди.

Эслатиб ўтамиз, 15 октябрь куни Жээнбеков 10 кун давом этган норозилик намойишларидан кейин Қирғизистон президентлиги лавозимидан истеъфо берганди. 16 октябрь куни парламент мажлисида қонунчилик кенгаши спикери Канат Исаев давлат раҳбарининг вазифаларини вақтинча бажаришни рад этган. Якунда бош вазир Садир Жапаров президент вазифасини бажарувчига айланди.

Дастлабки маълумотларга кўра, президентликка сайловлар 17 январь куни бўлиб ўтади.

Изоҳ
Асосий янгиликлар
Маҳаллий
Тошкентда ИИБ ходими хизмат вазифасини бажараётган вақтида ўлдириб кетилди
Маданият
Бир-бирига мутлақо қарама-қарши ролларни ўйнаб, томошабинларни ишонтира олган актёр ва актрисалар (фото)
Маҳаллий
Ўзбекистонда коронавирусга чалинганлар сони яна ошди: сўнгги суткада 141 кишида касаллик қайд этилди