UFC. Брайан Ортега «Кореялик зомби»ни мағлуб этди, Саид Нурмагомедов рақибини 1-раунддаёқ нокаутга учратди

Тошкент вақти билан 18 октябрь тонгида Абу-Дабидаги (БАА) «Жангчилар ороли»да UFC Fight Night 180 мусобақаси бўлиб ўтди.

Кечанинг марказий жанги ярим енгил вазн тоифаси вакиллари Брайан Ортега ва Чан Сон Чунг («Кореялик зомби») ўртасида кечди. Беш раунд давом этган жангда америкалик жангчи устунликка эга бўлди ва ҳакамлар қарорига кўра бир овоздан ғолиб деб топилди.

Шу тариқа Ортега ярим енгил вазн тоифаси чемпионлик камарига асосий даъвогарга айланди. Ушбу дивизион чемпиони Александр Волкановски ҳисобланади.

Шунингдек, мазкур мусобақада россиялик яккакурашчи Саид Нурмагомедов (14-3) ҳам ўз жангини ўтказди. Унда Саид филиппинлик яккакурашчи Марк Штриглни биринчи раунддаёқ нокаутга учратди.

Барча жанглар видеосини қуйидаги ҳавола орқали томоша қилиш мумкин: ҲАВОЛА

Асосий кард натижалари билан танишинг:

• Брайан Ортега (15-1) очколар ҳисобида Чан Сон Чунгдан (16-6) устун келди (50-45, 50-45, 50-45);
• Жессика Андраде (21-8) биринчи раунддаёқ Кетлин Чукагянни (14-4) нокаутга учратди;
• Жимми Крут (12-1) биринчи раунддаги нокаут эвазига Модестас Букаускасни (11-3) енгди;
• Жеймс Краузе (28-9) очколар ҳисобида Клаудио Сильвани (14-2) мағлуб этди (30-27, 30-27, 30-27);
• Жонатан Мартинез (13-3) очколар ҳисобида Томас Алмейдадан (21-4) устун келди (30-27, 30-27, 30-27).