«Ливерпуль» ҳимоячиси Виржил ван Дейк Англия Премьер Лигасининг 5-тури доирасида ўтказилган «Эвертон»га қарши баҳсда (2:2) олган жароҳати сабаб мавсумнинг қолган қисмини ўтказиб юбориши мумкин, деб хабар бермоқда Daily Mail.
Учрашувнинг 6-дақиқасида ван Дейк «Эвертон» дарвозабони Жордан Пикфорд билан жарима майдончаси ичида тўқнашиб кетди. Шифокорлар эса унинг ўйинни давом эттира олмаслигини маълум қилди ва 11-дақиқада унинг ўрнини Жо Гомес эгаллади.
Таъкидланишича, нидерландиялик футболчининг ўнг оёқ тизза қисмидаги туташган суяклар ёрилиб кетган. Бу каби жароҳатларни даволаш учун эса узоқ муддат талаб этилади.
«Эвертон» мазкур дурангдан сўнг 13 очко билан Англия Премьер Лигасидаги пешқадамлигини сақлаб қолган бўлса, «Ливерпуль» (10) иккинчи ўринга кўтарилиб олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)