«Реал» ҳимоячиси Серхио Рамос Испания чемпионатининг 6-туридан ўрин олган «Кадис»га қарши ўйинда (0:1) жароҳат олди. Бу ҳақда Marca хабар бермоқда.
Рамос учрашувнинг биринчи бўлимида «Кадис» ҳужумчиси Энтони Лосано билан тўқнашиб кетди ва танаффус вақтида алмаштирилди. Қайд этилишича, испаниялик футболчининг чап тиззаси шикастланган.
Қайд этиш жоиз, «Реал»ни 24 октябрь куни «Барселона»га қарши ўйин кутмоқда. Ҳозирча жароҳатнинг қай даражада жиддий экани номаълум. Бироқ Рамоснинг мазкур учрашувдаги иштироки эса сўроқ остида қолмоқда.
Рамос Ла Лиганинг 2020/21 йилги мавсумида 5 ўйин ўтказиб, 1 та гол урди. Унинг «қироллик клуби» билан амалдаги шартномаси 2021 йилда ўз ниҳоясига етади.
Изоҳ (0)