Италия А Сериясининг 4-тур учрашувида «Интер» ҳамда «Милан» клублари ўзаро баҳс юритди. Учрашув «россонерилар»нинг 2:1 ҳисобидаги ғалабаси билан якунланди. Ушбу ғалаба туфайли Стефано Пиоли жамоаси клубнинг ўтган асрда ўрнатилган бирданига иккита рекордни такрорлашга муваффақ бўлди.
Opta’нинг ёзишича, «Милан» 1973 йилдан бери илк бор Италия чемпионатининг кетма-кет 24 учрашувида ғалаба қозонган. Шунингдек, манбада клубнинг 1995/1996 йилги мавсумдан бери биринчи марта А Сериянинг дастлабки 4 учрашувида ғалабани қўлга киритганини ва ўша вақтдаги Фабио Капелло бошчилигидаги «Милан»нинг натижаси такрорлаганини таъкидланмоқда.
«Милан» 12 очко билан А Серия турнир жадвалида 1-ўринни эгаллаб турибди. «Интер» эса 7 очко жамғарган ҳолда 6-ўринда бормоқда.
Кейинги турда «Милан» «Рома» билан куч синашса, «Интер» ўзбекистонлик ҳужумчи тўп сураётган «Женоа» билан тўқнаш келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)