Бокс бўйича мутлақ оғир вазн тоифасида собиқ Жаҳон чемпиони Майк Тайсон ва тўртта вазн тоифаси собиқ чемпиони Рой Жонс ўртасидаги кўргазмали жангга оид янги тафсилотлар маълум бўлди.
Таъкидланишича, жанг саккиз раунддан иборат бўлади ва ҳар бир раунд икки дақиқадан давом этади. Бу ҳақда Рой Жонс блогер Жо Роган билан бўлган суҳбатда айтиб ўтди.
«Энди улар саккизта икки дақиқалик раундлар қоидасини киритди. Ҳаммаси Тайсоннинг фойдаси учун қилинмоқда ва бу ҳам. Мухлисларнинг қизиқиши шунчалар юқорики, мен уларнинг ҳафсаласини пир қилгим келмаяпти, ташкилотчилар эса бунинг учун мени жазолашда давом этмоқда. Бунга ҳам тайёрман, бироқ тактикамни ўзгартиришга тўғри келади. Энди тезроқ ҳаракат қилишим керак.
Улар бу қарорни ўтган ҳафтада чиқарди. Улар ҳар ҳафта келишувни ўзгартирмоқда. Менимча, шартномани яхши ўқиб чиқмаганман.
Шунингдек, жанг санасининг ўзгаргани ҳам Майкнинг фойдасига хизмат қилади. Унда тайёргарлик кўриш учун кўпроқ вақт юзага келди. Бу Тайсондан қўрқаётганимни англатмайди. Шунчаки, қўшимча олти ҳафталик тайёргарликдан кейин унинг имконияти ортади», — дейди Жонс.
Эслатиб ўтамиз, афсонавий боксчилар ўртасидаги жанг 28 ноябрь куни бўлиб ўтади.
Изоҳ (0)