Футбол бўйича Хитой чемпионати доирасида «Тяньцзинь Тэда» 16 октябрь, жума куни «Шэньчжэнь»ни қабул қилди.
Лигадан жон сақлаб қолиш учун ўтказилаётган учрашувларнинг илк баҳсида «Тяньцзинь Тэда» ғалабага эришди. Ганалик легионер Фрэнк Ачимпонг томонидан киритилган икки гол майдон эгаларига ғалаба келтирди.
Мазкур ўйинда ўзбекистонлик ярим ҳимоячи Одил Аҳмедов тўлиқ ҳаракат қилди.
Шу тариқа «Тяньцзинь Тэда» 2020 йилги мавсумдаги илк ғалабасини қўлга киритди. Жамоалар ўртасидаги жавоб баҳси 21 октябрь куни бўлиб ўтади.
Маълумот учун, Хитой Суперлигаси коронавирус пандемияси сабаб 2020 йилда икки гуруҳга бўлинган ҳолда ўтказилди. Гуруҳларда дастлабки тўрт ўринни қўлга киритган жамоалар чемпионлик учун плей-офф тизимида баҳс олиб боради. Қуйидаги жамоалар эса худди шу тизимда лигада жон сақлаб қолиш учун курашади.
Эслатиб ўтамиз, Аҳмедов жамоаси 2020 йилги мавсумнинг 14 ўйинида 3 очко тўплаб, Б гуруҳида сўнгги, 8-ўринни эгаллади. «Шэньчжэнь» эса 17 очко билан А Гуруҳида 5-поғонадан жой олди.
Хитой Суперлигаси
9—16-ўринлар учун плей-офф баҳслари
16 октябрь, жума
«Тяньцзинь Тэда» — «Шэньчжэнь» 2:0
Голлар: 1:0 – 4 Ачимпонг, 2:0 – 51 Ачимпонг.«Тяньцзинь Тэда»: Тен Шанкун, Чжао Хунлюе, Бастианс, Жун Хао, Чжен Кайму, Сзян Шенлун, Ачимпонг, Сун Юе, Аҳмедов, Соарес, Су Юаньсзе.
«Шэньчжэнь»: Го Вей, Ге Чжен, Пуралиганжи, Сзян Чжипен, Сон Чжу Ҳун, Лю Юе, Ван Юнпо, Ли Юаньйи, Селнес, Пресиадо, Гао Лин.
Огоҳлантиришлар: Ли Юаньйи (11), Сзян Шенлун (23), Пуралиганжи (24), Кайму (33), Пресиадо (71).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)