Футбол бўйича Франция терма жамоаси Миллатлар Лигаси 4-тури доирасида Хорватияга қарши майдонга тушиб, 2:1 ҳисобида ғалаба қозонди.
Французлар сафида Эдуардо Камавинга ўйиннинг 63-дақиқасида Корентен Толиссонинг ўрнига майдонга тушди. Бу 17 ёшли Камавинга учун миллий жамоа либосидаги 3-ўйин бўлди. Эдуардо терма жамоадаги дебютини 2020 йил 8 сентябрида айнан Хорватияга қарши дастлабки баҳсда (4:2) нишонлаганди. Шундан сўнг футболчи Украинага қарши 7 октябрдаги ўртоқлик ўйинида (7:1) қатнашиб, гол ҳам уришга эришди.
Opta хабарига кўра, Эдуардо Камавинга Франция терма жамоасида 1910 йилда қайд этилган натижани такрорлади. 110 йил олдин Даниэль Мерсе 18 ёшгача бўлган вақтида терма жамоа сафида 3 та ўйин ўтказишга улгурганди. Шундан сўнг бундай натижани ҳеч ким қайтара олмай келаётганди.
Эдуардо Камавинга — 2002 йил 10 ноябрда туғилган. Айни дамда футболчи «Ренн» клуби шарафини ҳимоя қилади. Унинг трансфери Transfermarkt портали томоиндан 37,5 миллион еврога баҳоланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)