Асака банк кичик бизнес ва хусусий тадбиркорлар учун модулли кредитларни тақдим этади

Замонавий банкинг эҳтиёжлари кун сайин ўзгариши нафақат мавжуд кредитлаш жараёнларини яхшилашга, балки кредит маҳсулотларини ажратиш жараёнида аризалар оқимини автоматлаштириш учун технологик ечимни талаб этади.

Кичик бизнес ва хусусий тадбиркорлик учун «Асака» банкининг модулли кредити - бу кредитлаш соҳасидаги аризаларни кўриб чиқишнинг бизнес жараёнларини ҳар томонлама автоматлаштирадиган ва шу билан кредит маҳсулотларини ажратиш конвейерини ташкил этишга ҳисса қўшадиган маҳсулотдир. Модулли кредитларнинг асосий омиллари бу - тезлик, мослашувчанлик ва юқори маҳсулдорликдир.

Бобурхон Усмонхонов - «Асака» банки кредитлаш департаменти бошлиғи:

Юридик шахслар учун модулли кредит «инсон омили» нинг кредит ажратишда қарор қабул қилишга таъсирини максимал даражада пасайтиради. Аризаларни кўриб чиқиш ва кредит ажратиш жараёни ташқи манба - Кредит Ахборот-таҳлил маркази (КАТИ) кредит бюроси билан бирлаштирилган бўлиб, бу қарз олувчининг кредит тарихини текшириш жараёнини параллел равишда сўровлар юбориш орқали тезлаштиришга имкон беради. Модулли кредит 24 ой муддатга, 8 ойлик имтиёзли муддат бикан тақдим этилади. Кредит суммасининг энг кам миқдори - 50 миллион сўм, максимал миқдори - 800 миллион сўмни ташкил этади. Мижоз ўз хоҳишига кўра кредит маблағларини миллий ва хорижий валюталарда олиши мумкин.

Модулли кредитлар айланма маблағларни тўлдиришга, зарур жиҳозларни сотиб олишга ва корхонанинг рақобатбардошлигини оширишга ёрдам беради. Кичик ва хусусий тадбиркорлик субъектлари учун модулли кредитни жорий этиш бўйича ишлар, аҳолига кредитлар ажратиш шартларини, ҳудудлар учун дифференциал ставкалар тизимини яратишга имкон беради.

Реклама ҳуқуқи асосида.