Велосипед миниш саломатликка фойдалигидан ташқари, кишини диққати ошиши, психологик аҳволи ва кўриниши яхшиланишига сабабчи бўлади.
Кайфият аъло, уйқу эса тиниқ бўлади
Велосаёҳат ҳам жисмоний машқ бўлиб, тренировка вақтида организмдан ажраладиган эндорфин гормони ишлаб чиқарилишига сабабчи бўлади. Эндорфин гормон стресси кортизолни камайтиради ва шу сабаб ўзингизни яхши ҳис қилишингиз ва тўйиб ухлашингиз мумкин бўлади.
Ҳазм жараёни яхшиланади
Велосаёҳатдан кейин киши очиққанини ҳис қилади, иштаҳа очилиши эса моддалар алмашинуви яхшиланганини билдиради. Метаболизмнинг тезлашиши эса таомнинг тез ҳазм бўлиши ва организмда ёғ бўлиб тўпланмаслигига олиб келади.
Мушаклар тонуси яхшиланади
Велосипед учганда организмдаги барча мушаклар фаол ҳаракатланади ва тонусда бўлади. Мушаклар чиниқиши, қон айланишини яхшиланиши эса саломатликка ижобий таъсир кўрсатади.
Тери аҳволи яхшиланади
Велосаёҳат қилишни канда қилмайдиганлар терисининг ҳолат ижобий томонга ўзгарганини тез пайқайди. Гап шундаки, тоза ҳавода жисмоний ҳаракат сабаб қон циркуляцияси, ҳужайраларнинг кислород ва бошқа озиқ моддалар билан таъминланиши яхшиланади. Бунда токсинлар камайиб, коллоген миқдори кўпаяди ва терининг эрта қаришининг олди олинади. Натижада тери тиниқ ва соғлом кўринади.
Фикрлаш қобилияти яхшиланади
Тоз ҳавода велосипед учганда миянинг қон ва кислород билан таъминланиши яхшиланади. Рецепторларнинг тикланиши ва фаоллашиши ҳамда хотира учун жавоб берадиган мия қисми — гиппокампда янги ҳужайралар пайдо бўлишига таъсир қилади. Шунингдек, миянинг кислород билан таъминланиши натижасида нейронлар фаолияти яхшиланади.
Юрак қон-томир фаолиятида ижобий ўзгаришлар
Велосипед учганда юрак мушаклари мустаҳкамланади, томирлар тонуси ортиб, «ёмон» холестерин миқдори камайиб, «яхши» холестерин кўпаяди.
Ҳужайралар кислород билан тўйинади
Мегаполисларда яшайдиган деярли барча аҳоли гипоксия — аъзолар, тўқима ва қонга кислород етишмаслигидан азият чекади. Велосаёҳат эса ушбу муаммога ечим бўлади. Учиш давомида ўпкалар доимгидан фаолроқ ишлайди ва кислород қон орқали ҳаёт учун муҳим бўлган аъзоларга етиб боради.
Варикознинг олдини олади
Педални айлантириш вақтида томирлар саломатлиги яхшиланади. Гап шундаки, оёқларнинг айланма ҳаракат вақтида томирларда қон фаол ҳаракатланади, шу билан бирга, зўриқиш кузатилмайди, бу эса бўғинлар саломатлиги учун фойдали ҳисобланади.
Кўриш қобилияти яхшиланади
Учиш давомида одам йўлни кузатишига тўғри келади. Диққат йўлга қаратилиши ва нигоҳнинг бир предметдан иккинчисига ўтказилиши кўз мушаклари учун машқ бўлади ва кўришнинг равшанлашишига сабаб бўлади.
Вестибуляр аппаратга ижобий таъсир кўрсатади
Мувозанатни сақлашга уриниш вестибуляр аппарат учун ҳам машқ ҳисобланади. Баланс, мувозанат ва координация яхшиланиши учун ҳам велосипедда сайр қилишни канда қилмаслик тавсия қилинади.
Изоҳ (0)