Сирдарё вилояти Сирдарё тумани ҳудудидан ўтган халқаро аҳамиятдаги М-34 Тошкент—Душанбе автомобиль йўлининг 90-километридаги «Шўрўзак» коллектори устида жойлашган темир-бетон кўприкнинг юк кўтариш қобилияти пасайиб, таъмирталаб ҳолга келиб қолгани учун Сирдарё вилоятига кирувчи ва чиқувчи юк автотранспорт воситаларининг ушбу кўприк орқали ҳаракати вақтинча тақиқланди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, юк машиналарининг кўприк устидан ўтиши тақиқлангани сабабли Тошкент—Жиззах йўналиши бўйича Сирдарё вилоят ҳудудига кириб келаётган юк машиналарининг қатнови халқаро аҳамиятдаги М-34 автомобиль йўлининг 70—83-километри, маҳаллий аҳамиятдаги 4К-643 Сирдарё шаҳри—Малик қишлоғи—Бахт шаҳри автомобиль йўлининг 0—5-километри, 4К-642 Синдоробод қишлоғи—Сафар ота қишлоғи—Малик қишлоғи—Бахт шаҳри автомобиль йўлининг 9—17-километри ҳамда М-34 автомобиль йўлининг 94—104-километри орқали ташкил қилинган.
Шунингдек, юк машиналари Жиззах—Тошкент йўналиши бўйича А-373 йўлидан ҳаракатланганда М-39 автойўли—Гулистон—Бўка—Ангрен—Қўқон ва Андижон орқали—Ўш автомобиль йўлининг 38—56-километри, давлат аҳамиятидаги 4Р-25 йўли орқали ҳаракатланган А-373 автойўли—Сайҳун қишлоғи—Бахт шаҳри—Қозоғистон Республикаси чегараси автомобиль йўлининг 24—33-километри, маҳаллий аҳамиятдаги 4К-657а «Сайҳунобод ТЙXПДФКга» автомобиль йўлининг 0—1-километри, 4К-657а «Сирдарё ДФХУга» автомобиль йўлининг 0—10-километри учун давлат аҳамиятидаги 4Р-26 Сирдарё шаҳри—Деҳқонобод қишлоғи—Қиёт қишлоғи—Бекобод шаҳри автомобиль йўлининг 8—18-километри ҳамда 4Р-26а М-39 автойўлига (871 км) шохобча автомобиль йўлининг 0—12-километри ўз манзилига томон ҳаракатланиши мумкин.
Изоҳ (0)