Кадир Догулу оилавий муносабатлар ҳақида гапирди, «истанбуллик келин» — Асли Энвер саволларга жавоб берди. Турк киноси янгиликлари (фото)

Турк киноси оламида машҳурлар билан боғлиқ навбатдаги янгиликларни эътиборингизга ҳавола этамиз.

Ижодий фаолият туфайли Этилер ҳудудида бўлиб турган Кадир Догулу журналистларнинг оиласидан узоқдалиги муносабатларга қандай таъсир ўтказаётганлиги ҳақидаги саволига жавоб берди: «Ҳа, улардан узоқда яшаш қийин. Турмуш қурганлар учун узоқда бўлиш, албатта, осон эмас. Аммо бунинг яхши томони ҳам бор. Бир-биримизга бўлган соғинч вақтни яхши ўтказишга ундайди. Иккимиз ҳам ўз ишимизни муносиб бажаришга ҳаракат қиламиз». Айни пайтда Неслихан Атагул Бодрумда «Элчининг қизи» сериалида суратга тушмоқда. Шунингдек, Кадир 2020 йил январь ойида ўзи иштирок этадиган янги лойиҳа тақдим этилишини ҳам таъкидлаб ўтди. У продюсерлик қиладиган фильм чет элда намойиш этилиши кутилмоқда.

Айни кунларда «Бобил» сериалида суратга тушаётган актриса Асли Энвер  «Zorlu» кўнгилочар савдо марказида кўриниш берди. Актриса журналистларнинг саволига жавоб бераркан, пандемия сабаб уйдан чиқмаётганлиги ва ҳаттоки, нон, ширинликларни ўзи уйда пишираётганини тан олди. Шунингдек, актриса собиқ баскетболчи Керем Тунчери билан муносабатлари ҳақидаги саволларни жавобсиз қолдирди.

Журналистларнинг диққат марказида бўлган актриса Ханде Эрчел ва Керем Бюрсин Кадикўй туманида учрашди. Журналистларни кўрган Ханде ҳайратдан улардан ушбу ҳудудда нима қилаётганини сўраган. Актриса ҳали ажрашганига узоқ бўлмаган Мурат Далкилич ҳақидаги саволларга жавоб беришни истамаган ва уйига тезроқ қайтишини айтган: «Менинг айтадиган гапим йўқ, ҳаммасини айтиб бўлганман. Ҳозир жуда чарчаганман ва эрта тонгдан суратга тушишим керак». Журналистлар Керемдан ҳам интервью олишга ҳаракат қилди, аммо кутилган натижа бўлмади. Шуниси қизиқки, улар суратга олиш майдончасини турли машиналарда тарк этди, бу эса сайёҳ журналистларнинг қизиқишини янада орттирди.

Бурчин Терзиўғли ва Ўзге Ўзпиринжи «Агентимга қўнғироқ қил» сериалининг 8-қисмида меҳмон бўлади ва Хазал Каянинг ёнидан жой олади.

Жерен Йилмаз Бебек туманида ўз дугонаси билан сайр қилиб юрган вақтда журналистларнинг саволидан қочмади. «Зумрад қақнус» сериалининг бош қаҳрамонининг айтишича, картинанинг айрим сонлари Угрупеда олинаётганлиги сабабли Истанбулга келишга имкон борича ҳаракат қилмоқда. «Мен Истанбулни яхши кўраман. Иложи борича шу ерга келаман. Бугун икки ойдан буён кўришмаётган дўстим билан дийдорлашишга муваффақ бўлдим», − дейди актриса. Шунингдек, у барча совға учун мухлисларидан миннатдорлигини билдирди: «Улар мени жуда хурсанд қилди. Барча мухлисларимни яхши кўраман. Уларнинг қўллаб-қувватлаши биз учун мотивация беради».

«Мария ва Мустафо» сериали тасдиқланмаган маълумотларга кўра, томошабинлар билан хайрлашмоқда. Лойиҳанинг эрта якунланишига доимгидек рейтинг натижаларининг пастлиги сабаб бўлган. Бироқ Бирсен Алунташ миш-мишларни рад этди ва суратга олиш ишлари давом этаётганини айтди.