Саратон, қандли диабет, невралгия: Ўғир касалликлар билан курашаётган Болливуд юлдузлари (фото)

Оммавий ахборот воситаларида кино юлдузларининг тез-тез кўриниб туриши, албатта, уларнинг муваффақият кўрсаткичининг юқорилигидан дарак беради. Афсуски, баъзида улар ҳақида тақдим этилган янгиликлар ачинарли бўлиши ҳам мумкин. Оғир касалликлар инсон танлаб ўтирмаганидек, машҳур юлдузларнинг айримлари улар билан кураш олиб бормоқда. Аксарияти эса курашда аллақачон ғолиб чиққан.

Маниша Койрала

Кўплаб машҳур киноларда роль ижро этган гўзал актриса Маниша Койрала 2012 йилда тухумдон саратони касаллиги билан шифохонага ётқизилган. Ушбу даҳшатли ташхис қўйилганда актриса 42 ёшда эди. Нью-Йоркда даволанган Маниша ҳар томонлама кучли ва бардошли бўлишга ҳаракат қилди. Мана энди у бутунлай соғлом ва бақувват аёлга айланди.

Мумтаз

Афсонавий актриса Мумтаз кўкрак бези саратони билан курашган. Ушбу ташхис 2002 йил Мумтаз 54 ёшга тўлганда қўйилди. Сўнгра актриса 6 та кимёвий терапия ва 35 марта нурланиш амалиётини ўтказди. У чиндан ҳам қийинчиликларга бардош бериб: «Мен осонликча таслим бўлмайман. Ҳатто ўлим ҳам менга қарши курашиши керак», − деди. У яна аввалгидек ҳаётга қайтиши учун қаттиқ режимга амал қилди. Актриса айни дамда 72 ёшда ва ўзини жуда яхши ҳис қилмоқда.

Сонали Бендре

2018 йил июль ойи охирида Болливудда яна бир даҳшатли хабар тарқалди. Унга кўра, ёш, чиройли ва маҳоратли актриса Сонали Бендре саратон касаллигига учраган эди. Афсуски, актрисанинг касаллиги охирги босқичда аниқланган. Аммо актриса вақтни ўтказмай Нью-Йоркка даволангани учиб кетди. Уни ҳамкасблари, дўст ва яқинлари доимо қўллаб-қувватлаб турди.

Бироздан сўнг Сонали Instagram саҳифасида ўзининг фотосуратини жойлаштирди. Суратда икки дугонаси Сузанна Хан ва Гаятри Жоши, шунингдек, актрисанинг ўзи сочлари олинган ҳолатда эди.

Энг ачинарлиси, актриса суратда шундай таъсирчан жумлаларни илова қилган эди: «Бу менман. Ва ҳозирги пайтда жуда ҳам бахтлиман. Ҳозир бу гапларим учун одамлар менга ҳайрат кўзи билан боқаётгандир, лекин бу ҳақиқат. Албатта, бунинг сабабини айтаман. Энди ҳар бир дақиқага эътиборли бўламан, қувонч ва қуёш нурларида исиниш учун ҳар қандай имконни излаб топаман. Оғриқли ва қувватсиз лаҳзалар ҳам бор, лекин мен ўзим хоҳлаган ишни қиламан, севган инсонларим билан вақт ўтказаман, шундагина ўзимни севимли ва бахтли ҳис қиламан. Дўстларимдан чексиз миннатдорман. Бир зумда ёнимда ёнимда пайдо бўлиб, менга куч берадиган, ўзларининг тиғиз вақтига қарамай, ташриф буюрган, қўнғироқ қилган ва хабар юборишга вақт топган…Бундай вазиятда ўзимни ёлғиз ҳис этмаслигим учун улар сира ҳам тарк этмади. Ҳақиқий дўстлик қандай бўлишини кўрсатганингиз учун ташаккур».

П.С. «Айни дамда сочларим учун кўп вақт сарфламайман, чунки энди улар мени безовта қилмайди».

Сонам Капур

Болливуд актрисаси ҳамда моделери Сонам Капур узоқ вақтдан буён қанд касали билан курашаётганини жуда кам инсон билади. Энди у парҳез ёрдамида касалликни назорат қилиши мумкин. Ушбу жозибали нозик қизга қараб, айрим одамлар унинг бир вақтлар 86 килограмм оғирликда бўлганини эсга олади, қатъий режимдаги парҳез туфайли у тез вақт ичида 35 килограмм вазн йўқотди.

Салмон Хон

Юлдуз Салмон Хонга уч шохли нерв касаллиги ташхиси қўйилган. Актёр ҳали ҳамон ушбу касаллик билан курашмоқда. Бу невропатик касаллик бўлиб, юзнинг жағ, яноқ қисмларида оғриқлар кузатилади. Шунингдек, унинг АҚШда бир муддат даволаниб келиши актёрнинг соғлиғини бироз енгиллаштирди.

Ритик Рошан

Машҳур актёр ва раққос Ритик Рошан сурункали субдурал гематомадан азият чекади. Ушбу касаллик мия шикастланиши билан боғлиқ. Касаллик туфайли актёрнинг боши қаттиқ оғрийди ва мунтазам равишда даволаш ишлари олиб борилади.

Шоҳрух Хон

Болливуд қироли Шоҳрух Хон оз эмас, нақд 8 та − елка, қовурға, тўпиқ, тизза, бўйин ҳамда кўз соҳасида жарроҳлик амалиётини ўтказди. Шунингдек, у узоқ вақтдан буён қўл ва бел оғриғидан азобланмоқда. Шунинг учун актёр керак бўлганда дарҳол мурожаат қилиши учун суратга олиш майдончасида доимо шифокор ҳам бўлади.