Қадди-қомати ва гўзаллигига минглаб мухлислар ҳавас билан қарайдиган машҳур моделларнинг таомномаси нималардан иборат эканлигига тўхталиб ўтамиз.
Синди Кроуфорд
Моделнинг ташқи кўринишга қараб унинг 54 ёшда эканини тахмин қилиш мушкул. Унинг ўзи метаболизм меъёрда бўлиши учун мунтазам равишда овқатланиш, оч қолмаслик кераклигини таъкидлайди. Синди учун мукаммал кечки овқат: 150 грамм ёғсиз мол гўшти, пишлоқ, пиёз, қўзиқорин, кўкатлар, ловия, помидор ва чой қошиқ зайтун ёғи ҳисобланади.
Миранда Керр
Турмуш ўртоғи томонидан пиширилган кечки овқатдан ҳеч ҳам воз кечолмайдиган Миранда севги билан тайёрланган таом семиртирмаслигига ишонади. У қон гуруҳига асосланган парҳезга риоя қилади. Унинг кечки рационида қўзичоқ гўшти ва барра сабзавотларни кўриш мумкин.
Крисси Тейген
Модель Крисси Тейген мазали ва тўйимли овқатланишни яхши кўради. Унинг ўзи кўпинча овқат тайёрлайди ва рецептлари билан Instagram саҳифасида бўлишади. У кечки овқатга бир бўлак гўшт қўшилган хумус ва қайнатилган картошка истеъмол қилиши мумкин. Бундай таом парҳезли ҳисобланмаса ҳам хумус ўсимлик оқсилининг кони ва жисмоний машқлар билан шуғулланадиганлар учун фойдали ҳисобланади.
Адриана Лима
Бразилия ошхонасини хуш кўрадиган Адриана гўштдан воз кеча олмагани билан тўғри овқатланишга риоя қилишга ҳаракат қилади. У очликни ҳис қилганида ейиш мумкин бўлган барча маҳсулотни ейиши мумкинлигини, аммо тўла ошқозон билан ётиш ёқмагани сабаб кечки таом порцияси камайишини таъкидлайди. Кечки овқат сифатида у ананас, қулупнай, олма, нок ва шафтолили витаминларга бой салат истеъмол қилиши мумкин.
Хайди Клум
Хайди аллақачон Нью-Йорк парҳезига амал қилишни бошлаган. Ушбу парҳезнинг биринчи ҳафтасида углевод, нон ва мева истеъмол қилинмайди, кейинги ҳафтадан эса балансли овқатланишга ўтилади. Кечки овқатга Хайди карамдан тайёрланган немисча шўрвани истеъмол қилишни маъқул билади.
Наоми Кэмпбелл
Наоми қатъий парҳезга амал қиладиганлардан, бир неча йилдан бери ўзини баъзи маҳсулотлардан тиядиган модель, таом ўрнига лимон ва қалампирли сув ичиши мумкин. Ундан овқатланиш борасида фикри сўралганда ананас ейиш кераклиги, ёғни эритиш хусусиятига эга мазкур мева кунни якунлаш ва уйқудан олдин аъло вариант эканини таъкидлайди.
Лара Стоун
Лара севимли таомлари рецепти билан бўлишиб боради. Кечки овқатга модель турли салатлар, хусусан, арпабодиён ва ўтлар қўшиб тайёрланганини ейишни тавсия қилади.
Дауцен Крез
Крез кўп вақтини спорт залда ўтказади ва рационини тренировка интенсивлигига қараб тузади. У кўкатлар, сабзавот ва балиқ истеъмол қилиши; ҳафтасига бир марта паста, ширинлик ва шоколад ўрнига эса йогурт ёки мева ва резаворлардан тайёрланган музқаймоқ ейиши мумкин. Крез кечки овқатга уйқудан камида 2 соат аввал сабзавотлардан тайёрланган тузсиз салат ейди.
Изоҳ (0)