Миришкор туманига ҳоким сифатида тайинланган Шерали Санаевнинг ўрнига Қамашида янги ҳоким иш бошлади. Бу ҳақда вилоят ҳокимлиги ахборот хизмати маълум қилди.
Таъкидланишича, Зоир Мирзаев иштирокидаги Халқ депутатлари Қамаши тумани кенгашининг навбатдан ташқари йиғилишида Тоғаев Ботир Нормаҳмадович туман ҳокими сифатида таништирилган.
Ботир Тоғаев 1976 йил Китоб туманида туғилган, 2001—2015 йилларда вилоятнинг Шаҳрисабз, Китоб ва Касби туманларида қишлоқ ва сув хўжалиги соҳаларида фаолият юритган.
Ҳокимликка қадар Вазирлар Маҳкамаси Аграр ва озиқ-овқат соҳаларини ривожлантириш масалалари котибият мудири лавозимида ишлаб келган.
Эслатиб ўтамиз, аввалроқ Қамашида раҳбарлик қилган Шерали Санаев Миришкор туманига ҳоким этиб тайинлангани ҳақида хабар берилганди.
Изоҳ (0)