Россияда сутка давомида коронавирус беморларининг 202 нафари вафот этди, деб хабар бермоқда «РИА Новости», коронавирусга қарши тезкор штабга таяниб. Бу 1 июлдан буён қайд этилган кунлик қурбонлар сони бўйича рекорд кўрсаткич бўлиб, ўшанда 216 киши вафот этганди.
Бир кун аввал коронавирус беморларининг 188 нафари вафот этган.
Сўнгги суткада энг кўп ўлимлар Москва шаҳрида қайд этилган — 41 киши. Иккинчи ўринда Санкт-Петербург бўлиб, 30 киши COVID-19 қурбони бўлган. Ундан кейинги ўринларни Москва, Ростов вилоятлари ва Олтой ўлкаси эгаллади (ҳар бирида саккизтадан).
Энг юқори ўлим даражаси Санкт-Петербургда қайд этилган (100 минг аҳолига 58,6 нафар киши). Ундан кейинги ўринда Москва (43,5) ва Мурманск вилояти (30,3).
Жонс Ҳопкинс университети маълумотларига кўра, дунё бўйлаб коронавирусдан 1,05 миллион киши вафот этган, 35,8 миллиондан ортиғи касалланган. Россия вирусдан ўлганлар сони бўйича дунёда 12-ўринда.
Изоҳ (0)