Россиянинг «ТАСС» агентлиги Путин билан бўлган катта интервьюни 7 октябрь — унинг туғилган кунида эълон қилди, деб ёзади Meduza. Унда президент ҳамма нарса катталарга хос тарзда бўлиши кераклигини айтади.
Президентнинг таъкидлашича, мактабнинг юқори синфларида у Рихард Зоргега ўхшашни истаган. «Менинг фарзандларим учун ким авторитет бўлган? Умид қиламанки, мен», — деди у. Неваралари ҳали кичкина эканлигини айтиб, уларнинг нечталигига аниқлик киритгиси келмади. «Айтдим-ку: невараларим бор, мен бахтлиман, улар жуда яхши, ширин болалар».
«Мен сайловга борсам, одамлар оиламга эмас, ўзимга овоз беради. Сиёсий маданият оила аъзоларига боғлиқ бўлган вазият - Ғарбда, — дея фикр билдирди Россия президенти. — Биз эса бундай театр билан шуғулланадиган ҳолатда эмасмиз, бизда ҳаммаси катталарга хос тарзда бўлиши керак». Путиннинг фикрича, бундан ташқари, хавфсизлик масалалари ҳам бор.
Шахсий йўқотишлари ҳақида гапирар экан, ота-онаси вафот этгани — энг катта йўқотиш эканлигини айтди. «Университетдаги дўстларим деярли ўзгармагансан, дейишади. Менимча, мен инсонийлик хислатларини сақлаб қолишга муваффақ бўляпман. Тақдирга ишонаман, аммо унга ўзимиз таъсир ўтказа олишимизга ҳам ишонаман», — деди Владимир Путин.
Изоҳ (0)