Саудия Арабистони ҳукумати коронавирус эпидемияси туфайли тўхтатиб қўйилган Умра зиёратига 4 октябрдан бошлаб қисман рухсат берди, деб ёзмоқда Daily Sabah.
Зиёратлар босқичма-босқич ва коронавирус тарқалишидан ҳимояловчи карантин чораларига риоя қилинган ҳолда қайта тикланиши ҳақида 23 сентябрь куни хабар берилганди.
Umrah pilgrims returned to a Mecca after a seven-month pause https://t.co/iyDjR5NnrG pic.twitter.com/Qax4ytnSXD
— Reuters (@Reuters) October 5, 2020
4 октябрь куни биринчи босқич бошланган бўлиб, одатдаги зиёратчиларини учдан бири, яъни мамлакат аҳолисининг 6 минг нафари Умра зиёратини амалга ошириши мумкин. Иккинчи босқич эса 18 октябрдан бошланади ва унда зиёратчилар сони 75 фоизга қадар оширилади. Хориждан ташриф буюрувчи фуқароларга эса чегаралар туфайли 1 ноябрдан бошлаб очилиши кутилмоқда.
Изоҳ (0)