Буюк Британиянинг Линкольншире шаҳрида жойлашган ҳайвонот боғи ходимлари қушнинг бундай иқтидори ҳақида тасаввур ҳам қилмаганди. 9 ёшли Чико исмли тўтиқуш Бейонсенинг 2008 йил тақдим этган «If I were a boy» қўшиғини куйлашни бошлаганда ҳамма ҳайратда қолди.
Тўтиқушнинг тасвирга олинган ижроларидан бири интернет тармоғида тарқалди, шунингдек, ҳайвонот боғининг Facebook саҳифасидаги видеолавҳа 1000 дан ортиқ фойдаланувчи томонидан улашилди. Энди ҳайвонот боғига ташриф буюрвчи меҳмонлар шунчаки Чиконинг қўшиқларини тинглаш учун келади.
«Мен 25 йилдан буён тўтиқушлар билан ишлайман, аммо улар мени ҳеч қачон бунчалик ҳайратда қолдирмаган. Чиконинг машҳурлиги туфайли ҳайвонот боғида ижтимоий масофани сақлаш билан боғлиқ муаммоларга ҳам дуч келдик», − дейди Линкольншире ёввойи табиат боғи директори Стив Николс тўтиқушнинг қобилиятини шарҳлар экан.
Тўтиқушнинг рэпертуари фақатгина Бейонсенинг қўшиғи билан чекланмайди. Ходимларнинг айтишича, Леди Гага ва Кети Перрининг ижодидан машҳур қўшиқларни ҳам куйлайди.
Чико қўшиқларни тўлиқ куйламайди, лекин ташриф буюрувчиларни хурсанд қилиш учун бир нечта мисраларни ижро этади. Чунки қуш оҳангдан ташқари ижрочиларнинг овозидан ҳам жуда аниқ нусха кўчиради.
Маълумотларга кўра, Чиконинг Instagram’да ҳам шаҳсий саҳифаси очилган, ҳайвонот боғи ходимларининг ваъдасига кўра, у ерда Чиконинг мини концерт дастурлари юкланиб борилади. Шунингдек, унинг саҳифасига аллақачон 8 мингдан ортиқ киши обуна бўлишга улгурган.
Айтганча, бу карантин даврида тингланаётган ягона қуш эмас. Айнан шу ҳайвонот боғида бир нечта қушларни меҳмонларга кўрсатиш тақиқланган эди. Сабаби улар ҳақорат қилишни ўрганиб, оилавий ташриф буюрган меҳмонларни ҳайратда қолдирган эди.
Изоҳ (0)