Наманган вилоятида MAN русумли юк машинаси Damas русумли автомобилга урилиши натижасида йўловчи ҳалок бўлди, дея хабар беради ИИВ.
Қайд этилишича, 26 сентябрь куни соат 23:45 ларда Тошкент–Ўш йўлининг 272-километрида MAN русумли юк автомашинани ишонч қоғози билан Тошкент–Водий йўналишида бошқариб кетаётган ҳайдовчи ҳаракат хавфсизлигини таъминлай олмаган. У шу йўналишда ўзидан олдинда ҳаракатланиб келаётган Damas русумли автомашина орқа қисмига урилиши оқибатида бошқарувни йўқотиб, йўлнинг ўнг томонига ўтиб, ағдарилиб кетган.
Натижада MAN русумли юк автомашинасида бўлган йўловчи оғир тан жароҳати олиб, воқеа жойида вафот этган. Юк автомашинаси ҳайдовчиси бош мия чайқалиши, ўнг оёқ болдир суягининг ёпиқ синиши ва Damas русумли автомашинада бўлган йўловчи бош мия чайқалиши, бош мия ёпиқ шикасти ташхислари билан тан жароҳати олиб, шифохонага ётқизилган.
Ушбу ҳолат бўйича туман ИИБ ҳузуридаги ТБ томонидан 2020 йил 27 сентябрь куни Жиноят кодексининг 266-моддаси 2-қисми (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Мавзуга доир:
- Фарғонада Nexia трактор тиркамасига урилиши оқибатида 1 киши ҳалок бўлди, 3 киши шифохонага ётқизилди
- Андижонда Volvo юк машинаси икки нафар қизалоқни босиб кетиб, хонадонларнинг бирига бориб урилди
- Самарқандда 18 ёшли ўсмир автобус уриб юбориши оқибатида вафот этди. Тез ёрдам шифокори ЙТҲ жойига етиб борганида жабрланувчи ўз ўғли эканлигини билди
Изоҳ (0)