Фарғона вилоятида Nexia трактор тиркамасига урилиши натижасида бир киши ҳалок бўлди, дея хабар бермоқда ИИВ.
Қайд этилишича, 25 сентябрь куни Қ.Й. бошқарувидаги Nexia автомашинасини Ёзёвон тумани «Қатортол» МФЙ ҳудудида бошқариб кетаётиб, ўзидан олдинда ҳаракатланиб бораётган Х.Ш. бошқарувидаги ТТЗ русумли тракторнинг тиркамасига урилган.
Оқибатида, Nexia автомашинасида бўлган йўловчи И.Ш. тан жароҳати олиб, ҳодиса жойида вафот этган.
Шунингдек, Nexia автомашинаси ҳайдовчиси Қ.Й. ва йўловчилар М.М. ҳамда У.Т. тан жароҳати олиб, шифохонага ётқизилган.
Мазкур ҳолат юзасидан Ёзёвон тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Аввалроқ Оҳангаронда Hyundai’нинг трактор тиркамасига урилиши оқибатида бир аёл ва унинг беш ойлик фарзанди ҳалок бўлгани хабар қилинганди.
Изоҳ (0)