Шанхай ҳамкорлик ташкилоти (ШҲТ) бош котиби Владимир Норов Тоғли Қорабоғ низоси кескинлашганидан хавотирда эканлигини билдирди. Бу ҳақда ташкилотнинг веб-сайтида хабар қилинди.
«Ташкилот томонларнинг тез вақт ичида куч ишлатишни тўхтатиши ва минтақада хавфсизлик ва барқарорликни таъминлаш мақсадида низоларни тинч йўл билан ҳал қилиш тамойили асосида музокаралар жараёни бошланишига умид билдиради», – дейилади ШҲТ бош котиби Владимир Норов баёнотида.
Бундан ташқари, ШҲТ Озарбайжон ва Арманистон билан кўп томонлама ҳамкорликни ривожлантириш ниятида эканлигини билдирган.
Эслатиб ўтамиз, 27 сентябрь куни тонгда Тоғли Қорабоғда Арманистон ва Озарбайжон ўртасида ҳарбий зиддият яна кескинлашди. Икки мамлакатда ҳам ҳарбий ҳолат эълон қилинди.
Аввалроқ Ўзбекистон ташқи ишлар вазирлиги вазият юзасидан ўз муносабатини билдириб ўтди. Туркия ва Афғонистон бу можарода Озарбайжонни қўллаб-қувватлашни билдирди.
Арманистон Жаҳон ҳамжамиятидан Туркияни бу ишларга аралашишига йўл қўймасликни сўради. Расмий Ереван ўз навбатида Туркияни Суриядаги жангариларни Тоғли Қорабоғга йўналтиришда айбламоқда. Қайд этилишича, чегарага 4 мингдан ортиқ жангари йиғилган.
Ҳозирда икки томон ҳам зиддиятларда бир-бирини айбламоқда.
Изоҳ (0)