АҚШнинг Колорадо штатида Chevrolet Silverado пикапи базасида яратилган ноодатий лимузин сотувга қўйилди. Етти эшикли мазкур юк машинасини 32 минг долларга харид қилиш мумкин, деб хабар беради Motor.
Лимузин тўлиқ Chevrolet Silverado пикапи базасида яратилган. Ноодатий машина модификацияга учраган «подвеска»га эга бўлгани сабаб узайтирилган юк автомобилининг эшик ўрни 7,5 сантиметрга қисқарган. Бу йўловчилар учун салоннинг янада қулайлигини таъминлаган.
Сотувчининг сўзларига кўра, еттита эшикка эга лимузин катта оила учун идеал автомобиль ҳисобланади. Машина интерьери уч қатор ўриндиқлар билан жиҳозланган, жумладан, тўртта кресло алоҳида жойлашган ва орқа томонини тўлиқ диван эгаллаган. Бундан ташқари, салонга 17,3 дюймли иккита телевизор ўрнатилган.
Мазкур лимузин 450 от кучи ва 1234 Nm айланувчи моментга эга 6,6 литрли Duramaх турбодизель двигатели ёрдамида ҳаракатга келади. Агрегат автомат узатмалар қутиси ёрдамида бошқарилади.
Изоҳ (0)