Бу йилги Европа Ҳаракатланиш Ҳафтаси 2020 кампанияси рақамли тарзда ўтказилиб, Ўзбекистондаги икки миллиондан зиёд одамни қамраб олди ва йўл ҳаракати хавфсизлиги ва чиқиндиларнинг нолга тенглиги тўғрисида хабардорликни оширди. Ҳафталик Тошкентнинг 340 та фотосуратларни жамлаб, 200 та кўчаси кўрсатилган шаҳарнинг велосипед харитасини яратиш учун ажойиб асос бўлди. 25-сентябр куни Ҳафталикнинг учта ғолибига велосипед совға қилинганларни тақдирлаш маросими бўлиб ўтди. Бундан ташқари, кампаниянинг 67 иштирокчисининг барчасига эсдалик совғалари топширилади.
22 сентябрь куни Ўзбекистонда ва хусусан Тошкент шаҳрида 16-22 сентябрь кунлари бўлиб ўтган Иккинчи Европа Ҳаракатланиш Ҳафтаси якунланди. Болаларни йўл ҳаракати хавфсизлиги бўйича ўқитиш ва шаҳар аҳолиси учун ташқи муҳитга зарарсиз ҳолда ҳаракатланиш афзалликларини тушунтириш - бу Ўзбекистондаги Европа Ҳаракатланиш Ҳафтаси-2020 акциясининг асосий мавзуларидан бири бўлиб, бу ўқитувчилар учун кенг тақдим этилган ўқув видеоси ва шаҳарда велосипедчилар учун имкониятларни акс эттирувчи #ToshkentVeloUchun чақируви билан таъминланди. Ҳар бир инсоннинг билими ва иштироки шаҳарда ташқи муҳитга зарарсиз ҳолда ҳаракатланиш калитидир ва йўл ҳаракати хавфсизлигини ошириш акциянинг асосий етказмоқчи бўлган хабари эди.
25 сентябрь куни Tashkent City ҳудудида кампания ғолибларини тақдирлаш маросими бўлиб ўтди. Маросимда «Тошшаҳартрансхизмат» раҳбари Анвар Жўраев, Европа Иттифоқининг Ўзбекистондаги муваққат ишлар вакили Юсси Нарви ва Ўзбекистон велосипедчилар уюшмаси маъмури Искандер Ахмедов иштирок этишди.
«Мен ушбу ташаббуснинг барча ҳамкорлари ва тарафдорларига, хусусан, ўсиб бораётган велосипед жамоамиз аъзоларига ўз миннатдорчилигимни билдирмоқчиман. Европа Ҳаракатланиш Ҳафтаси ва рамзий велосипед харитасини яратиш бизни Тошкентда ташқи муҳитга зарарсиз ҳолда ҳаракатланиш ва велосипед учун қулай шаҳар сифатида умумий қарашлари бирлаштирганлигини кўрсатди. Биз ушбу ҳафтада бошланган яқин мулоқотни Тошкент шаҳрининг транспорт инфратузилмасини ривожлантириш бўйича ягона концепция руҳида давом эттирамиз», - дея сўзларини якунлади «Тошшаҳартрансхизмат» бошлиғи Анвар Жўраев.
«Харитада жуда кўп юзларни кўришдан жуда хурсандман! Бу эрдаги барча одамларни бирлаштирадиган нарса - бу Тошкентнинг келажакда велосипед учун қулай эканлигига ишоншисир! Улар Тошкентда велосипедда ёки бошқа чиқиндисиз транспорт воситаларида кундалик ҳаракатчанлик ҳақида бир хил фикрда бўлишади. Ўзларининг овозлари, яъни фотосуратлари орқали уларнинг барчаси ушбу харитага ўз ҳиссаларини қўшдилар», - деди Юсси Нарви, Европа Иттифоқининг Ўзбекистондаги Муваққат ишлар вакили.
Эслатиб ўтамиз, 18 сентябрь куни Тошкентда Ҳафталик ташкилотчилари – Транспорт вазирлиги, Тошкент шаҳар ҳокимлиги, Ўзбекистон велосипедчилар уюшмаси, шунингдек, Европа ҳаракатланиш ва транспорт бўйича комиссияси бош директорининг ўринбосари ва Туркия ва Голландиядан келган халқаро экспертлар иштирокида ташқи муҳитга зарарсиз ҳолда ҳаракатланиш ва йўл ҳаракати хавфсизлиги истиқболларига бағишланган онлайн давра суҳбати бўлиб ўтди. Жонли эфир пайтида давра суҳбатини 2700 дан ортиқ киши томоша қилди.
30 дан ортиқ турли хил рақамли материаллар - анимациялар, GIF’лар, видеофильмлар, йўл ҳаракати хавфсизлиги ва ташқи муҳитга зарарсиз ҳолда ҳаракатланиш тўғрисида хабарлар ёзилган мини-инфографика - ўзбек ва рус тилларида Европа Ҳаракатланиш Ҳафтасининг етти куни давомида кўплаб ижтимоий платформаларда, шу жумладан, Facebook, Instagram ва Telegram каналларида кенг тарқатилди, бу эса уни Ўзбекистондаги энг қизғин ва бой ижтимоий кампаниялардан бирига айлантиради.
«2020 йилги Европа Ҳаракатланиш Ҳафтаси кампанияси ҳукумат, маҳаллий бошқарув органлари ва фуқаролик жамияти томонидан велосипедда ҳаракатланиш, хавфсиз ва барқарор шаҳар муҳити бўйича умумий тасаввур яратиш учун диалог, ўзаро мулоқот ва ҳукуматни умумий интилишларининг ажойиб намунаси бўлди. Европа Ҳаракатланиш Ҳафтаси Европа Комиссиясининг 2050 йилгача иқлим бўйича нейтрал Европани яратиш борасида сиёсий ташаббусининг бир қисмидир. Биз Европада Ҳаракатланиш Ҳафтасини Ўзбекистондаги ҳамкорларимизга ҳам қўллаб-қувватлашда давом этамиз», деб тушунтиради Европа Иттифоқининг Ўзбекистондаги Муваққат ишлар вакили, Юсси Нярви,
Акция Тошкент шаҳри ҳокимлиги томонидан транспорт вазирлиги ва Ўзбекистон велосипед жамоатчилиги билан ҳамкорликда ва Европа Иттифоқининг Ўзбекистон Республикасидаги Делегацияси кўмагида ташкил этилди. Акцияни ахборот билан таъминлаш Ўзбекистон Халқ таълими вазирлиги ва Ички ишлар вазирлиги томонидан таъминланди.
Бирламчи маълумотлар
Европа Ҳаракатланиш Ҳафтаси (қисқача ЙҲҲ) - Европа Комиссиясининг 2002 йилдан буён барқарор шаҳар ҳаракатланиши бўйича ташаббуси ҳисобланади. У шаҳар ва қишлоқларни бир ҳафтани барқарор ҳаракатканишга бағишлашга ундайди. 2019 йилда ЙҲҲда дунёнинг 3000 дан ортиқ шаҳарлари қатнашди. Европа Ҳаракатланиш ҳафтаси ҳақида қўшимча маълумотни ҳттпс://мобилитйwеек.эу/ҳоме/ сайтидан олишингиз мумкин.
Ўзбекистондаги биринчи Европа Ҳаракатланиш Ҳафтаси 2019 йилда бўлиб ўтган ва Тошкент шаҳар ҳокимлиги, Ўзбекистон транспорт вазирлиги томонидан Эвропа Иттифоқининг Ўзбекистон Республикасидаги Делегацияси кўмагида ташкил этилган. 2019 йил кампанияси шаҳарларда саёҳат қилишнинг хавфсиз ва барқарор усуллари сифатида метрода ҳаракатланиш ва пиёда юришга қаратилган. Ўтган йили Тошкентда 19 сентябрь куни Бепул Метро куни ва 22 сентябрь куни Лутфий кўчасида «Автомобилсиз кун» кўча фестивали бўлиб ўтди.
2020 йилги Европа Ҳаракатланиш ҳафтасининг глобал мавзуси - «Барчага ташқи муҳитга зарарсиз ҳолда ҳаракатланиш ». Шаҳар ҳудудларида турли хил иқлим, географик ва ижтимоий-иқтисодий шароитларга қарамай, нол даражали углерод баланси ва инклюзив шаҳар муҳитини яратиш бўйича чоралар кўриш мумкин. Шунинг учун 2020 йилги Европа Ҳаракатланиш Ҳафтаси одамларни ва маҳаллий ҳокимиятни углеродга нейтрал қитъага эришиш учун узоқ муддатли мақсадга йўналтирилган чоралар кўришга ундайди.
Реклама ҳуқуқи асосида.
Изоҳ (0)