LG Electronics Inc. компанияси 2017 йилда ишга туширилган Pra.L бюти-гаджетлар линейкаси доирасида соч тўкилишига қарши ёрдам берадиган шлем кўринишидаги қурилмани яратди. Бу ҳақда Instagram’даги Hypebeastkr аккаунти орқали маълум қилди.
Pra.L MediHair қурилмаси андрогенетик алопецияни даволашда паст интенсив лазер терапиядан фойдаланади. Шлемда 146 та лазер манбаси ва 104 та LED лампалар бўлиб, улар соч ўсишига кўмаклашади. Сеул миллий университети томонидан ўтказилган клиник синовларга кўра, Pra.L MediHair’дан ҳафтасига уч марта 16 ҳафта давомида фойдаланиш беморлар сочининг мустаҳкамланишига ва уларнинг тўкилишини секинлаштиришга ёрдам бергани аниқланган.
Эслатиб ўтамиз, 2018 йилда ўтказилган тадқиқотлар чоғида британиялик олимлар остеопорозни даволаш учун ишлатиладиган доридан соч тўкилишининг олдини олувчи восита сифатида фойдаланиш мумкинлигини аниқлаган эди.
Изоҳ (0)