Футбол бўйича Европа Лигаси 3-саралаш босқида «Ростов» 24 сентябрь, пайшанба куни «Маккаби»га қарши баҳс олиб борди.
Учрашувнинг 9-дақиқасида Элдор Шомуродов Еврокубоклардаги дебют голини урган ҳолда ростовликларни олдинга олиб чиқди. 20-дақиқада Никита Рукавица мувозанатни тиклашга муваффақ бўлди.
Иккинчи бўлим тенг курашлар остида бошланди. 60-дақиқада Муҳаммад Абу-Фани жарима майдони ташқарисидан аниқ зарба йўллаб, исроилликларнинг иккинчи голини урди.
Бунинг устига мезбонлар 68-дақиқада бир ўйинчи кам бўлиб қолди: Данил Глебов майдон марказидаги ўта қўпол ҳаракати учун четлатилди. Қолган вақтда ўйин меҳмонлар назорати остида кечди ва ҳисоб ўзгармади.
Шу тариқа «Ростов» Еврокубоклардаги юришини тўхтатди.
Мавзуга доир: Элдор Шомуродов ниҳоят гол урди. У 208 кунлик қуруқ серияга Европа Лигасида нуқта қўйди (видео)
Европа Лигаси
3-саралаш босқичи
24 сентябрь, пайшанба
«Ростов» Россия — «Маккаби Ҳайфа» Исроил 1:2
Голлар: 1:0 – 9 Шомуродов, 1:1 – 20 Рукавица, 1:2 – 60 Абу-Фани.«Ростов»: Песьяков, Осипенко, Чернов, Козлов, Ҳажикадунич, Глебов, Еременко (Хашимото, 64), Норманн, Байрамян (Полоз, 64), Ионов, Шомуродов (Тошевски, 82).
«Маккаби Ҳайфа»: Коэн, Хабши, Мабука, Арад, Планич, Абу-Фани (Родригес, 83), Менахем, Лави, Шери, Рукавица (Нахмани, 90), Хазиза (Ашкенази, 85).
Огоҳлантиришлар: Планич (45), Арад (88).
Четлатиш: Глебов (68).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)