«Ростов» ҳужумчиси Элдор Шомуродов Европа Лигаси 3-саралаш босқичи доирасида «Маккаби»га қарши баҳсда (1:1, иккинчи бўлим) гол уришга эришди.
Бу Шомуродов учун Еврокубоклардаги дебют гол бўлди.
Шу тариқа, ўзбекистонлик футболчи «Ростов» сафидаги 15 ўйинлик голсиз сериясига якун ясади. Элдор сўнгги бор 29 февраль куни РПЛ доирасида «Ахмат» дарвозасини ишғол қилганди (1:1).
Шомуродовнинг ростовликлар сафидаги голсиз серияси 208 кун давом этди.
Эслатиб ўтамиз, Шомуродов Россия Премьер Лигасининг 2019/20 йилги мавсумида 11 та гол урганди. 2020/21 йилги мавсумнинг ортда қолган 8 турида Элдор дарвозаларни ишғол қилолмаган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)