FIFA 21 симуляторида жарима зарбаларини ижро этиш борасида энг юқори кўрсаткичга эга футболчилар рўйхати эълон қилинди.
Унга кўра, «Барселона» ҳужумчиси Лионель Месси 94 рейтинг кўрсаткич (жарима зарбаларини ижро этиш борасида) билан рўйхатда етакчилик қилмоқда.
Кучли учликдан «Валенсия» собиқ сардори Дани Парехо (93) ва «Ювентус»дан «Барселона» сафига ўтган Миралем Пьянич (92) жой олган.
Рейтингнинг 5-ўринида «Ювентус» собиқ футболчиси, ҳозирда «Ал-Ҳилол» сафида тўп тепаётган Себастьян Жовинко қайд этилди. Италиялик иқтидор эгаси Осиё Чемпионлар Лигаси 3-тури доирасида «Пахтакор»га қарши ўйинда (2:1) жарима зарбасидан Элдор Суюнов дарвозасини ишғол қилганди.
Шунингдек, симулятор яратувчилари Япония терма жамоаси афсонаси Шинсуке Накамурани (90) ҳам ёддан чиқармаган. 42 ёшли футболчи айни дамда ўзбекистонлик Фозил Мусаев билан «Жубило Ивата» сафида тўп сурмоқда.
FIFA 21 симуляторида жарима зарбаларининг энг яхши ижрочилари:
- Лионель Месси («Барселона») — 94;
- Дани Парехо («Вильярреал») — 93;
- Миралем Пьянич («Барселона») — 92;
- Энис Бардҳи («Леванте») — 91;
- Себастьян Жовинко («Ал-Ҳилол») — 91;
- Шинсуке Накамура («Жубило Ивата») — 90;
- Неймар (ПСЖ) — 89;
- Жеймс Уорд-Проус («Саутҳэмптон») — 89;
- Роберт Сков («Ҳоффенҳайм») — 89;
- Руслан Малиновский («Аталанта») — 88.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)