Фарғона нефтни қайта ишлаш заводи 22 сентябрдан белгиланган муддатга ишлаб чиқарилаётган дизель ёқилғиси учун нархларни пасайтириш бўйича қарор қабул қилди. Бу ҳақда завод матбуот хизматига таяниб, «Gazeta.uz» хабар берган.
Қарорга кўра, заводнинг ўзидан бир тонна маҳсулот учун акциз билан 5,6 миллион сўмгача (якуний истеъмолчига худди шу миқдор акцизсиз 5,2 миллион сўм), республика ҳудудида жойлашган «Ўзбекнефтгаз» АЖ нефть базаларидан акциз билан бир тонна маҳсулот учун 5,5 миллион сўмгача (якуний истеъмолчига ҳудди шу миқдор, акцизсиз 5,1 миллион сўм) этиб белгиланди.
Аввал Ўзбекистон товар хом ашё биржасида илк бор Туркманистоннинг ECO-93 бензини сотувга қўйилгани ҳақида хабар берилганди.
Апрель ойи бошида Ўзбекистонда «Евро-4» ва «Евро-5» дизель ёнилғилари ишлаб чиқариш йўлга қўйилиб, дизель нархи бир неча бор туширилган.
Изоҳ (0)