Бугун,

  • USD 11095.31
  • RUB 173.84
  • EUR 10772.44

Чехия соғлиқни сақлаш вазири Адам Войтех мамлакатда коронавирус билан касалланганлар сонининг ортиши фонида истеъфога чиқди, деб хабар беради Associated Press.

Фото: Facebook / Адам Войтех

Фото: Facebook / Адам Войтех

Унинг сўзларига кўра, бу каби қарор COVID-19 пандемиясига қарши кураш борасида янгича ёндашувни яратишга имкон беради.

«Коронавирусга дуч келганимизга тўққиз ой бўлди. Ўйлашимча, ҳамкасбларим ва мен фуқароларимизни касалликдан ҳимоя қилиш учун кеча-ю кундуз барча ишни қилдик. Биринчи тўлқинни яхши уддалай олдик дея, айтишга жазм этаман. Бу бой тажриба бўлди ва мен ҳамда жамоам нимадандир уялиши керак деб ўйламайман», — дейди вазир.

Агентликнинг ёзишича, Чехия вирус тарқалишини баҳорда бартараф этган, бироқ ҳозирда вазият яна ёмонлашган. Хусусан, ўтган жума куни бир сутка давомида 3129 кишида коронавирус аниқланган — бу Марказий Европа мамлакатлари орасидаги энг юқори кўрсаткич ҳисобланади.

«Эхо Москви»нинг маълум қилишича, сўнгги ҳафтада Адам Войтех мунтазам ўзгариб турган карантин чоралари сабаб мухолифат ва жамоатчилик томонидан жиддий танқидга учраган. Кўплаб сиёсатчилар ҳам вазирнинг истеъфога чиқишини талаб қилган, бироқ бош вазир Андрей Бабиш бунга қўшилмаган. Бош вазирнинг фикрича, Войтех эпидемиянинг биринчи тўлқини билан курашда ўзини ажойиб намойиш этган. Бироқ иккинчи тўлқинда ҳам бу каби натижани қайд этишнинг иложи бўлмаган.

Мамлакатнинг янги соғлиқни сақлаш вазири этиб эпидемиолог-шифокор Роман Примула тайинланган. У бунга қадар Ҳарбий-тиббий академия ректори ва проректори лавозимларида фаолият юритган. Примула — Чехия ва хорижда иммунизация ҳамда вакцинация бўйича эксперт сифатида танилган. 2009—2016 йилларда у Градес-Кралове шаҳридаги университет шифохонасига раҳбарлик қилган. 2016-тилнинг июнида Примула собиқ вазир Сватопкул Намечек томонидан манфаатлар тўқнашуви сабаб лавозимдан олинган.

Фото: «Российская газета»

Фото: «Российская газета»

Аввалроқ Чехия ҳукумати мамлакатда коронавируснинг иккинчи тўлқини бошланганини эълон қилган эди. Жонс Ҳопкинс университети маълумотларга кўра, айни вақтда Чехияда коронавирус билан касалланганлар сони 49 минг кишидан ошган, ҳозирга қадар 24 минг киши соғайган бўлса, 503 кишига COVID-19 қурбонига айланган.

Изоҳ
Асосий янгиликлар
Дунё
“Гулжа қирғини” — уйғурларни ўлдиришни бошлаган Хитой, чеченларни оммавий ўлдирган рус ОМОНи ва водород бомбасини ботқоққа ташлаган АҚШ самолёти. Кун хронологиясид...
Маҳаллий
Тошкент вилоятида автокран қулаши оқибатида машинист вафот этгани юзасидан жиноят иши қўзғатилди
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...