БМТ томонидан «БМТ 75: биз истаётган келажак, бизга керакли БМТ» тадқиқоти амалга оширилди. 21 сентябрь куни ушбу тадқиқот натижалари эълон қилинди. Экспертлар одамлар ҳукуматлар ва халқаро ташкилотлардан нималарни кутаётганига аниқлик киритган. Бу ҳақда «ТАСС» хабар қилди.
Одамларнинг бирламчи эҳтиёжи — соғлиқни сақлаш йўналишини яхшилаш. Тоза ичимлик суви, гигиена воситалари ва таълим масаласи ҳам асосий эҳтиёжлардан.
Соғлиқни сақлаш масаласини сўровномада қатнашган 300 минг нафар одамнинг деярли ҳаммаси алоҳида ажратиб кўрсатган. Тадқиқот муаллифларининг қайд этишича, иштирокчиларнинг 72 фоиз қисми соғлиқни сақлаш тизимидан фойдаланиш келажакда ҳам худди шундай қолиши ёки яхшиланишига ишонади.
Мавзуга доир: БМТ бош котиби коронавирус билан боғлиқ вазият назорат остидан чиқиб кетганини маълум қилди
Тадқиқотда қатнашганлар узоқ келажакда таълимнинг барчага бирдек берилиши ва аёлларнинг эркаклар билан тенг ҳуқуқли бўлиши ҳам асосий мақсадлардан бири эканини айтган.
Шу билан бирга БМТ тадқиқоти муаллифлари Ер сайёрасининг аҳолиси нимадан қўрқиши ҳақидаги саволларга ҳам жавоб излаган. Асосий қўрқувлар қуйидагилар:- Иқлимнинг сезиларли равишда ўзгариши (иштирокчиларнинг 49 фоизи жаҳондаги экологик вазият ёмонлашиши мумкинлигидан хавотирда);
- коррупция (41 фоиз кишилар вазият оғирлашиши мумкинлигини билдирган);
- камбағаллик;
- турли низолар.
Изоҳ (0)