Беларусь мухолифати етакчиси Светлана Тихановская халқаро жамоатчиликдан мамлакат президенти Александр Лукашенконинг сайловлардан кейин ҳам давлат раҳбари сифатида ҳукумат тепасида қолишини тан олмасликни сўради. Бу ҳақда «Интерфакс» хабар тарқатди.
«Халқаро жамоатчиликдан Лукашенконинг президентликка қайта сайланганини тан олмасликни сўраймиз, сабаби у халқ кўзи олдида ҳам адолат билан қайта раҳбар бўлмаган. Мазкур сайловларда бизнинг овозларимиз ўғирлаб олинди», – деган Тихановская Европарламент раиси Давид Сассоли билан биргаликда ўтказилган брифингда.
«Биз вазиятни ўзимиз ҳал этишга уриняпмиз, аммо Лукашенконинг биз истаган мулоқотдан қочаётганини ҳамма кўриб турибди. Айни вақтда Европа ва бошқа қўшни давлатларнинг ҳар қандай услубдаги кўмаги жуда муҳим», – дея Европарламентнинг Беларусь халқини қўллаб-қувватлаш мақсадидаги резолюцияси учун миннатдорлик билдирган ҳолда қўшимча қилган Тихановская.
Ўз навбатида Европарламент раиси Сассоли Беларусдаги муаммонинг тинчлик йўли билан ҳал этиладиган ягона ечими ҳукуматни топшириш эканини қайд этган.
Мавзуга доир:
- Европа парламенти Лукашенкони президент деб тан олмади ва Россиянинг Беларусь ишларига аралашувини қоралади
- «Лукашенко — қонуний президент». Дмитрий Песков Сочида Путин ва Лукашенко ўртасида ўтказилган музокара натижаларини сарҳисоб қилди
- Беларусдаги мувофиқлаштирувчи кенгаш президиумининг озодликдаги сўнгги аъзоси Светлана Алексиевични ҳимоя қилиш учун европалик дипломатлар унинг уйида навбатчилик қилмоқда
Изоҳ (0)