Гарет Бэйл: «Реал»да ғолиблик менталитетига эга бўлдим

«Реал» ярим ҳимоячиси Гарет Бэйл «Тоттенҳэм»га (ижара асосида) қайтганидан сўнг ўз фикрлари билан ўртоқлашди.

Ортга қайтганимдан хурсандман. Бу мен учун қадрли клуб, бу ерда ўз номимни танитганман. Клуб ажойиб мухлисларга эга. Умид қиламанки, спорт формамни тиклайман ва жамоага ёрдам бераман. Шунингдек, соврин ютишни хоҳлайман.

Ҳар доим «Реал»дан кетганимдан сўнг бу ерга қайтиш ҳақида ўйлардим. Имконият пайдо бўлди ва бу мен учун фойдали бўлади деб ўйлайман. Ўйинга ташнаман, ғайратим бор, жамоага ёрдам бермоқчиман. Учрашувларни интиқлик билан кутяпман.

Мадридда ўйнаб, совринларни қўлга киритганим, Уэльс терма жамоаси билан халқаро турнирларда муваффақиятли иштирок этганим сабабли, ғолиблик менталитетига эга бўлганимни ҳис қиляпман ва совринларни ютиш нималигини тушунаман. Умид қиламанки, буларни «Тоттенҳэм» футболчиларига сингдираман, уларни соврин ютишимиз мумкинилигига кўпроқ ишонтираман. Янги мавсумдаги мақсад — шунчаки соврин ютиш эмас, балки барча фронтларда курашиш.

Гарет Бэйл, футболчи

Бэйл 2007—2013 йиллар оралиғида «шпорлар» сафида тўп сурган. «Реал» уни ўша вақтдаги рекорд нарх — 101 миллион еврога сотиб олганди.