Футбол бўйича Англия чемпионатининг 2-турида «Челси» 20 сентябрь, якшанба куни «Ливерпуль»ни қабул қилди.
Учрашувнинг дастлабки бўлими тенг курашлар остида ўтди. Танаффусга қадар ҳар икки жамоа вакилларида бир қатор қулай имкониятлар юзга келди. Бўлим якунланиши арафасида майдон эгалари ҳимоячиси Андреас Кристенсен дарвозабон билан бирга-бир вазиятга чиқиб кетаётган Садио Манени тўхтатиб қолди. Натижада ҳакам видеотакрорлардан кейин Кристенсенга қизил карточка кўрсатди.
Иккинчи бўлимни «қизиллар» катта устунлик билан ўтказди. 50-дақиқада Садио Мане жамоасининг ажойиб комбинациясини гол билан якунлади. Орадан тўрт дақиқа ўтиб, Кепа Аррисабалаганинг хатосидан кейин Мане дублини нишонлади.
75-дақиқада «Челси» ҳисобни қисқартириши мумкин эди. Бироқ Жоржиньонинг пенальтидан йўллаган зарбасини меҳмонлар посбони Алиссон қайтаришга эришди. Қолган вақтда ҳисоб ўзгармади.
Шу тариқа Юрген Клопп шогирдлари кетма-кет иккинчи ўйинда ғалабага эришди.
АПЛ
2-тур баҳси
20 сентябрь, якшанба
«Челси» — «Ливерпуль» 0:2
Голлар: 0:1 – 50 Мане, 0:2 – 54 Мане.«Челси»: Аррисабалага, Алонсо, Жеймс, Зума, Кристенсен, Канте, Ковачич (Абраҳам, 79), Маунт, Жоржиньо (Баркли, 79), Ҳаверц (Томори, 46), Вернер.
«Ливерпуль»: Алиссон, ван Дейк, Александер-Арнольд, Робертсон, Фабиньо, Кейта (Милнер, 64), Ҳендерсон (Тиаго Алькантара, 46), Мане, Вейналдум, Салоҳ, Фирмино (Минамино, 86).
Четлатиш: Кристенсен (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)