UFC. 20 сентябрь тонгида тажрибали Дональд Серроне, рекордчи Ҳамзат Чимаев ва ўзбекистонлик жангчини 32 сонияда нокаутга учратган Тайсон Нэм жанг қилади

Тошкент вақти билан 20 сентябрь тонгида Лас-Вегасда UFC Fight Night 178 мусобақаси бўлиб ўтади. Мусобақанинг асосий жанги Колби Ковингтон ва Тайрон Вудли ўртасида кечади.

Шунингдек, UFC кечасидан яна бир қатор қизиқарли тўқнашувлар ўрин олган. Афсонавий Дональд Серроне Нико Прайсга қарши жанг қилади. UFC’даги дастлабки икки жангида бирорта ҳам зарба ўтказиб юбормай рақибларини таслим этган Ҳамзат Чимаев тажрибали Жералд Миршертга қарши октагонга чиқади.

Ўзбекистонлик жангчи Зарруҳ Адашевни 32 сония ичида нокаутга учратган Тайсон Нэм мазкур мусобақада Жером Риверага қарши жанг қилади.

Барча жанглар видеосини қуйидаги ҳавола орқали томоша қилиш мумкин: ҲАВОЛА

Асосий кард жуфтликлари билан танишинг:

• Колби Ковингтон (15-2) — Тайрон Вудли (19-5-1);
• Дональд Серроне (36-15-1) — Нико Прайс (14-4);
• Ҳамзат Чимаев (8-0) — Жералд Миршерт (30-13);
• Жони Уокер (17-5) — Райан Спенн (18-5);
• Маккензи Дерн (8-1) — Ранда Маркос (10-9-1)
• Кевин Ҳолланд (18-5) — Даррен Стюарт (13-5).