Футбол бўйича Англия Премьер Лигаси 2-турида «Манчестер Юнайтед» 19 сентябрь, шанба куни «Кристал Пэлас»ни қабул қилди.
Лондонликлар 7-дақиқада Эндрос Таунсенднинг голидан кейин олдинга ўтиб олди. Иккинчи бўлим ўрталарида меҳмонлар пенальти ишлаб олди. Дастлабки зарбани Давид де Хеа қайтаришга эришди, бироқ дарвозабон сейв вақтида ўйин қоидасини бузгани боис жарима зарбаси қайта белгиланди. Такрорий зарбани Уилфрид Заҳа аниқ ижро этди.
80-дақиқада Донни ван де Бек «Манчестер Юнайтед» сафидаги дебют голини урган ҳолда ҳисобни қисқартиришга эришди. Бироқ орадан беш дақиқа ўтиб, Заҳа жамоасининг учинчи голини урди ва якуний ҳисобни ўрнатди.
«Эвертон» ўз майдонида «Вест Бромвич»ни қабул қилди ва йирик ҳисобда ғалаба қозонди. Мерсисайдликлар сафида Доминик Кэлверт-Льюин ҳет-трик қайд этган бўлса, Хамес Родригес ва Мойзе Кин биттадан гол урди.
Шунингдек, АПЛнинг жорий мавсумдаги дебютантлари «Лидс» ва «Фулҳэм» ўзаро тўқнаш келди. Унда Марсело Бьелса шогирдлари 4:3 ҳисобидаги ғалабани қўлга киритди.
АПЛ
2-тур баҳслари
19 сентябрь, шанба
«Манчестер Юнайтед» — «Кристал Пэлас» 1:3
Голлар: 0:1 – 7 Таунсенд, 0:2 – 74, пенальти Заҳа, 1:2 – 80 ван де Бек, 1:3 – 85 Заҳа.«Манчестер Юнайтед»: Де Хеа, Шоу, Фосу-Менса (Игало, 81), Линдельоф, Магуайр, Бруну Фернандеш, Мактоминай, Погба (ван де Бек, 67), Жеймс (Гринвуд, 46), Марсьяль, Рэшфорд.
«Кристал Пэлас»: Гуаита, Сако, Уорд, Митчелл, Шлупп (Эзе, 75), Макартур, Куяте, Таунсенд, Маккарти (Миливоевич, 88), Заҳа, Айю (Бацҳуайи, 81).
Огоҳлантиришлар: Уорд (55), Фосу-Менса (58), Магуайр (64).
«Эвертон» — «Вест Бромвич» 5:2
Голлар: 0:1 – 10 Диангана, 1:1 – 31 Кэлверт-Льюин, 2:1 – 45 Хамес, 2:2 – 47 Матеус Перейра, 3:2 – 54 Кин, 4:2 – 62 Кэлверт-Льюин, 5:2 – 66 Кэлверт-Льюин.Четлатиш: Гиббс (45) — «Вест Бромвич».
«Лидс» — «Фулҳэм» 4:3
Голлар: 1:0 – 5 Элдер Кошта, 1:1 – 34, пенальти Митрович, 2:1 – 41, пенальти Клих, 3:1 – 50 Бемфорд, 4:1 – 57 Элдер Кошта, 4:2 – 62 Декордова-Рид, 4:3 – 67 Митрович.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)