Аёл ва қизлар учун қанча кўп сумка бўлса шунча яхши. Буни билган дизайнерлар ҳам турли мавсумда фарқли моделларни тақдим этишдан чарчамайди. 2020 йилнинг баҳорида гулли ва турли принтли, ёзда тўқилган, саватни эсга соладиган сумкалар етакчи бўлган бўлса, куз фаслида ўзига хос шаклдаги ранг-баранг сумкалар урфда.
Neous тақдим қилганидек оч кул ранг хобони иш ва сайрга чиққанда елкага илиш, Стауднинг феруза рангли тимсоҳ терисини ёдга соладиган сумкасини расмий учрашувларга ҳеч иккиланмай тутиш, Bottega Veneta’нинг оч пушти ноанъанавий сумкаси билан эса романтик образ яратиш мумкин.
Шунингдек, қуйида суратлари келтирилган Themoire, Jacquemus коллекцияларига мансуб сумкалар ҳам кузги образ учун айни муддао.
Айниқса, Симон Порт Жакмюснинг ранги қаҳва ва сут аралашмасини эсга соладиган замшдан тайёрланган Le Bambino модели мавсум учун мустҳаве ҳисобланади. Мазкур сумкани ишга тутиш ва шу куннинг ўзида оқшомдаги тадбирга у билан бирга кетиш мумкин. Куздаги гардеробини қандай сумкалар билан бойитишни истаганлар илҳомланиши учун намуналар билан билан бўлишамиз.
Изоҳ (0)