Дунёнинг энг бой аёлларининг нафақат молиявий аҳволи, шахсий ҳаёти ва қизиқишлари, балки кийим-кечаклари ҳам эътибор марказида ҳисобланади. Қуйида энг бадавлат хонимлар қандай услубда кийинишни хуш кўришига тўхталиб ўтамиз.
Маккензи Безос
Жефф ва Маккензи Безос 1994 йилда Amazon компаниясига асос солинишидан аввал танишган. 2019 йилда эса 25 йиллик турмушидан кейин муносабатларига нуқта қўйган.
Ажрашиш шартларига мувофиқ, турмуш ўртоғига қарашли Amazon компаниясининг 38 миллиард доллар баҳоланган 4 фоизли акция Меккензида қолган. Шундан кейин дунёдаги энг бадавлат аёллар рўйхатида учинчи деб топилган. 2020 йилда бўлса АҚШдаги энг бадавлат аёл бўлган.
Кийиниш борасида миллиардер хоним универсал униформани маъқул кўради. Тадбирларга «футляр» бичимли кўйлакларни, тақдирлаш маросими ва кўргазмалар учун эса худди шундай бичимли либосларни ёрқин рангдагиси ва ўзига хос деталлари борини кийишни маъқул кўради.
Шу билан бирга Маккензи кийиниш борасида кичик экспериментлар ҳам қилиб туради. Калта либослар билан чарм ботфорт ёки оқшом образи учун елкалари очиқ ва «вирез»ли кўйлак кийиши мумкин.
Француаза Бетанкур Майерс
L’Oreal компанияси асосчисининг набираси Француаза Бетанкур Майерс оилавий компаниянинг раҳбари саналади. Бетанкур ва унинг оиласи компаниянинг 33 фоиз акциясига эгалик қилади.
У кийиниш борасида француз аёлларига хос универсаллик ва ортиқча безакларсиз либосларни хуш кўради. Француазанинг гардеробида асосан қора рангдаги кийим-кечакларни учратиш мумкин.
Севимли аксессуари эса либоси рангига зид рангли ёрқин рўмол ҳисобланади. Тўқ либосларни апелсин, лайма рангли ёки ноодатий принтли шарфлар билан мослашни яхши кўради.
Элис Уолтон
Энг йирик компаниялардан бири бўлган Walmart асосчиси Сем Уолтоннинг қизи Элис Уолтон, кўп йиллардан бери Forbes журналининг энг бадавлат аёллар рўйхатидан ўрин олиб келган.
Унинг кийиниш услубида ўзига хос аксессуар катта ҳажмли кўзойнаклар ҳисобланади. У ҳам бошқа бизнес билан шуғулланадиган ҳамкасблари сингари классик услубни афзал билади.
У образига ёрқинликка урғу беради, масалан, қора классик жакет ўрнига гилос ранглисини кияди.
Лорен Пауэлл Жобс
Стив Жобс турмуш ўртоғининг ижтимоий аҳволи Apple ва Disney компанияларидаги акциялар ҳисобига 18,8 миллионни ташкил қилади. 2020 йилнинг июлида Пауэлл, Forbes’нинг миллиардерлар рўйхатида 59-ўринни эгаллаган.
Лореннинг гардероби ранг-баранглиги билан бошқаларникидан фарқ қилади. Уни ҳам классик услубдаги либосларда ҳам блузка, принтли жакет ва каштали либосларда учратиш мумкин.
Кўргазма ва тақдирлаш маросимларида унинг кийиниш борасидаги дидига қойил қолса арзийди. У дабдабали ва шу билан бирга бачкана бўлмаган узун оқшом либоси билан минимал тақинчоқ ва клатч тақишни маъқул билади.
Ҳуда Каттан
Шарқнинг энг машҳур аёлларидан бири саналган Ҳуда Каттан, Дубайдаги молия соҳасидаги фаолиятини тугатганидан кейин гўзаллик империясига асос солган. Узоқ вақт визажист сифатида ишлаган Ҳуда кейинчалик машҳур косметик бренд «Huda Beauty»га асос солган.
Каттан гўзаллик оламидаги энг нуфузли аёллар ўнталигига киради. У кийиниш борасида ҳашаматни яхши кўради. Танловини қадди-қоматни акс эттирадиган, елкаси очиқ асосан чарм матосидан тикилган, тилла занжирлар ва мўйналарда тўхтатади.
Изоҳ (0)