Дизайнернинг ўзига хос фантазияси, ижодкорлиги ва илҳомланишидан пайдо бўлган, бисер, тош ва мунчоқлар тикилган нақш ва безаклардан иборат бўлган либос эътибордан четда қолмаслиги аниқ. Дунёнинг машҳур брендлари томонидан тақдим қилинган, мазкур либосларда юқоридаги таърифларнинг бари мужассам.
Giorgio Armani
Дизайнер Жоржио Армани томонидан тақдим қилинган қора узун либос нархи 31 368 долларни ташкил қилади. Қоматга ёпишиб турадиган мазкур либоснинг безакли мунчоқлари уни яна-да жозибалироқ кўринишига сабабчи бўлади.
Alexander McQueen
Қора рангли матога гул япроқлари ва капалаклар безаги туширилган Alexander McQueen томонидан тақдим қилинган либос нархи 18 142 долларни ташкил қилади. Ундаги безаклар мунчоқ ва бисерлардан яратилган.
Elie Saab
Оқшом либосларининг ўзига хослиги билан яхши таниш бўлган Elie Saab томонидан тақдим қилинган, ипакдан тикилган либосга тўртта катта юрак шакли туширилган. Оч ялпиз рангли, елка қисми одатдагидан каттароқ ва ўзига хос бантли либос нархи 17 426 долларни ташкил қилади.
Valentino
Valentino бренди томонидан тақдим қилинган қўш қаватли либос Жейн Остиннинг ҳикояларидаги қаҳрамон либосларидан илҳомланиб яратилгандек гўё. 17 031 долларга баҳоланган модель италян тюлидан тикилган.
Ralph&Russo
Мазкур бренднинг нархи 15 542 долларни ташкил қиладиган шоҳона либоси «Кан» фестивали» ва бошқа тақдирлаш маросимлари учун айни муддао. Елка қисми очиқ ва кристаллар билан безалган кўйлакнинг юбка қисми қора тюл ва креп матосидан тикилган.
Zuhair Murad
14075 долларга баҳоланган, нафис гул ва ўсимликлар акс этган либос эгасини янада латофатли кўрсатади. Елка қисми шаффоф матодан тикилган либосни кийган аёлнинг тери ранги ва мато ранги мужассамлашиб ўзига хос қиёфа касб этади.
Dolce & Gabbana
Машҳур италян брендининг нархи 12 682 долларлик либоси қат-қат булутларни эсга солади. Нафис бичимли либос ипак матосидан тикилган.
Vivienne Westwоод
Оч қаймоқ рангли либос бичими бошқалардан фарқ қилади. Vivienne Westwоод томонидан тақдим қилинган елка қисми очиқ, этаклари ўзига хос бўлган модель нархи 11991 долларни ташкил қилади.
Sandra Mansour
Дизайнер коллекциясидан эртаклардаги маликаларга хос либослар ўрин олган. 10 432 долларлик тюлдан тикилган кўйлакни нақш, кристалл ва бисерлар безаган.
Ashi Studio
Ипак ва тафта матосидан тикилган либосни фақатгина индивидуал буюртма асосида сотиб олиш мумкин. 9507 долларлик либос бичими бошқалардан мураккаблиги билан ажралиб туради. Кўйлакнинг енг қисми кенг, этаклари эса очилган лилия гулини эсга солади.
Oscar De La Renta
Классик оқшом либослари билан мода оламида ўз ўрнига эга Oscar De La Renta бренди томонидан тақдим қилинган либос нархи 7372 долларни ташкил қилади. Елка қисми очиқ, этаклари эса узун бўлган либос нақшлар билан безалган.
Изоҳ (0)