Инсонлар бахт ҳақида шундай ўйлайди: у худди капалакдек атрофингда учиб юради, аммо қўлда тутишнинг иложи йўқ. Эҳтимол, аввал инсонлар шундай фикрда бўлгандир, лекин XXI асрда илм-фан барча нарсанинг чорасини топмоқда, шунингдек бахтли бўлишнинг ҳам. Қуйида ҳар ким ўзини бахтли ҳис этиши учун амалга ошириш жуда ҳам осон бўлган одатлар тавсия этилган, марҳамат танишиб чиқинг.
Хайрия билан шуғулланиш
Гарвард тадбиркорлик мактаби томонидан ўтказилган тадқиқотлар шуни исботладики, инсоннинг 5 доллар хайр-эҳсон қилиши уни лотереядан 100 доллар ютиб олгандек хурсанд қилади. Дарҳақиқат, одамлар орасида бир-бирига кўмак беришни истайдиганлар кўп, шуни билиш, айниқса, гувоҳи бўлишнинг ўзиёқ бахтли қилади. Бахтни ҳис қилишни истайдиганлар атрофдагиларга ёрдам қўлини чўзиши билан хурсандчилик кайфиятини пайдо бўлади.
Атрофдагиларни мақташ
Мақтов ҳаммага ёқади, албатта, сизга ҳам. Лекин бировга айтилган мақтов, унинг ютуқларини юқори баҳолаш инсонни янада бахтлироқ ҳис қилишга ёрдам беради. Шунингдек, миннатдорлик билдириш ҳам худди шундай таъсир кучига эга, албатта, буларнинг барчаси чин дилдан айтилиши керак. Синов учун дўстлар ва яқинлар ҳамиша мақталиб турса, инсон ўзидаги хотиржамлик ва бахт туйғусини сеза бошлайди.
Кўпроқ ҳаракат қилиш
Саломатликнинг энг асосий бўғини турмуш тарзи билан чамбарчас боғланган. Сидней университети тадқиқотчилари кунига 7 соатдан ортиқ ўтирган ёши катта аёлларнинг депрессияга тушиш эҳтимоли бошқаларникига қараганда икки баравар юқори эканлигини аниқладилар. Шунингдек, фаол ҳаёт тарзи билан шуғулланувчилар ўз юмушларидан ташқари 10 дақиқалик жисмоний машғулотни амалга ошириши депрессия хавфини 26 фоизга камайтирди. Шундай қилиб кўпроқ ҳаракатда бўлиш нафақат соғлом бўлиш, балки ҳақиқий бахтни ҳис этишга ҳам ёрдам беради.
Ўзни таҳлил қилиш
Ишониш қийин, аммо бахт ҳаттоки инсоннинг гавда тутишига ҳам боғлиқ. Торонто университети мутахассислари томонидан ўтказилган тадқиқот иштирокчилари ўз тажрибаларидан келиб чиқиб, елкаларни олдга букиб юриш ҳар қандай инсонга бахтсизлик туйғусини сингдиришини аниқлади. Елкаларни кенг очиб, орқа томонга ташлаб, иякни кўтарган ҳолда ғолибдек юриш – кайфиятни кўтариш, бахт гормонини оширишга ёрдам беради. Айтганча, секин, малолланиб эмас, тез ва дадил қадам ташлаш ҳам бахтиёрликка йўл очади.
Парҳез қилиш
Бунинг учун қисқа вақт ичида севимли таомдан воз кечишга тўғри келади. Орадан бироз вақт ўтгандан сўнг ўша севимли таом истеъмол қилинганда ҳақиқий бахтнинг кучли импулсини ҳис этиш мумкин. Бу мутахассисларнинг тадқиқот натижасидан келиб чиқиб берилган тавсия ҳисобланади.
Сурат чизишга киришиш
Ҳаётида бир маротаба ҳам қалам ушламаган инсон ҳам расм чизиши мумкин, масалан, шунчаки рақамлар ёки ёзувлар ёки тайёр расмларни бўяш. Олимларнинг айтишича, бадиий ижод билан боғлиқ бўлган машғулот инсоннинг психологик барқарорлигини ва стрессга қарши қобилиятини оширишга ёрдам беради. Шунинг учун камида ҳафтада бир маротаба расм чизиш тавсия этилади.
Изоҳ (0)