Микротўлқинли печ фақатгина таом ва егуликларни иситиш учун ёрдам беради, деб ўйлаганлар фикри қуйидаги маълумотлардан кейин ўзгариши аниқ.
Мактубдаги маркани кўчириш
Бир икки томчи сув томизиб конвертни 20 сонияга микротўлқинли печга қўйинг. Сўнгра эҳтиёткорлик билан маркани кўчиринг.
Ёнғоқ қовуриш
Ликопчага бир чой қошиқ ўсимлик ёғи ва ёнғоқ солинг. Ликопчани 3-8 дақиқага микротўлқинли печга қўйинг.
Идиш ювадиган губкани тозалаш
Гупкани сув билан намлаб, микротўлқинли печга 2 дақиқага қўйинг. Бу орқали сиз бактерияларни ўлдиришга муваффақ бўласиз.
Юмшаб қолган картошка чипсларини қаттиқлаштиради
Идиш очиқ қолиши натижасида картошка чипслари юмшаб қолиши мумкин. Ечим топиш учун чипсларни қоғоз сочиққа қўйиб, бироз вақтга микротўлқинли печга қўйинг.
Тахтакачни тозалаш
Суратдагидек тахтакачни тозалаш учун унинг ҳар икки томонига лимон бўлагини суртинг ва бир неча дақиқага микротўлқинли печга қўйинг.
Помидор ёки бошқа пўсти қалин сабзавотларни қиздириш
Пўсти қалин маҳсулотларни микротўлқинли печда иситишда санчқи ёки пичоқ билан бир-икки еридан тилиш керак бўлади.
Микротўлқинли печнинг ички қисмини тозалаш
Лимонни ўртасидан бўлиб, сувли идишга солинг ва 5 дақиқага печ ичига қўйинг. Шундан кейин нам латта билан ортиқча уринишсиз микротўлқинли печ ичини тозалашингиз мумкин.
Омлет тайёрлаш
Тухум чақинг ва пишлоқ, сут, туз, мурч ҳамда омлет учун керакли бошқа маҳсулотларни қўшиб, 45 сонияга микротўлқинли печга қўйинг. Аралашмани олиб яхшилаб аралаштиринг ва яна 45 сонияга қўйинг. Нонушта тайёр.
Пиёз пўстини «йиғлатмайдиган» қилиб арчишга ёрдам беради
Бунинг учун пиёзнинг тепа қисмини олиб, 30 сонияга микротўлқинли печга қўйишнинг ўзи кифоя қилади.
Ўт ва кўкатларни қуритиш
Исталган кўкатни қуруқ ҳолда ишлатиш учун картон ёки қоғоз устига қўйиб, 30 сония печда қуритиш керак. Кейин кўкатларни ўгириб, яна 2-4 дақиқага қўйинг.
Саримсоқпиёз пўстини арчиш
Саримсоқпиёзни 15 сонияга микротўлқинли печга қўйинг. Печ ичида пўсти ўз-ўзидан арчилади.
Нонни юмшатади
Қотган нонни юмшатиш учун нам сочиққа нонни ўраб, 10 сонияга микротўлқинли печ ичига қўйинг.
Ясмиқ, ловия сингари донли маҳсулотларнинг тезроқ ивишига ёрдам беради
Баъзи таомлар учун донли маҳсулотларни ивитиб қўйиш талаб этилади. Вақт кетказишни истамаганлар учун донли маҳсулотни сув ва бир чимдим ош содаси қўшилган идишга солиб, микротўлқинли печ ичига қўйинг.
Помидор ёки шафтоли пўстини арчиш
Помидор ёки шафтолини 30 сонияга микротўлқинли печга қўйинг. 2 дақиқадан сўнг пўсти тез ва осон арчилишига гувоҳ бўласиз.
Лимон шарбати тайёрлашнинг осон усули
Лимондан шарбат тайёрлаш осон бўлиш учун аввалига уни 10-20 сонияга микротўлқинли печга қўйинг. Бунда шарбатни сиқиш осон бўлади.
Изоҳ (0)