Кўпинча куннинг иккинчи ярмига келиб сочлар кир бўлгани яққол сезила бошлайди. Бунинг сабаби нима бўлиши мумкин? Соҳа мутахассиси Карина Котова саволларга жавоб берди.
Нега сочлар ювилган куннинг иккинчи қисмидаёқ кирдек туюлади?
Қоида тариқасида, ёғли терига эга бўлган сийрак сочлар ҳақида мисол қилиш мумкин. Терининг секреция безларидан табиий равишда ёғ ажралиб чиқади ва у соч узунлиги бўйлаб жуда тез тарқайди. Бундай ҳолларда ёғли бош териси ёки тери мувозанатини меъёрлаштирадиган маҳсулотлардан фойдаланиш тавсия этилади. Агар сочлар қуруқ бўлса-ю, лекин айнан юқоридаги ҳолат такрорланаётган бўлса, унда сочни яхшилаб ювиш керак. Чунки соч ювиш воситалари яхши ювилмаганлиги боис ҳам шундай вазиятлар пайдо бўлади. Шунинг учун икки марта шампунь суриб, яхшилаб кўпиртириш ва кўпикланган ҳолатда 1 дақиқадан сўнг ювиш тавсия этилади.
Бу ноўрин парвариш туфайли бўлиши мумкинми?
Албатта, бўлиши мумкин. Масалан, соч териси яхши, аммо уни тиклаш ниятида яна тикловчи воситадан фойдаланишади. Одатда қайта тикловчи шампунлар аста-секинлик билан бош терисини тозалайди, бу эса айрим қизлар учун етарли ҳисобланмайди. Агар бош териси ёғга мойил, лекин сочнинг узунлиги яхши бўлса, унда индивидуал аралашмадан фойдаланиш мумкин. Мисол учун, соч ҳажми ёки намлантириш учун шампунь, кондиционер эса озуқаланиши ва тиклаш учун.
Ниқоблар тез кир бўладиган бош терисига таъсир қиладими?
Айримлар соч илдизларига кондиционер ва ниқоблар суртади ва бундан сўнг, албатта, улар ўз таъсирини ўтказади. Чунки улар бош териси учун эмас, соч толаси учун мўлжалланган. Уларни қўллаш учун, аввал бош шампунь билан ювилади ва сочнинг узунлиги бўйлаб оз миқдора кондиционер сурилади. Агар восита бош терисига тегмаса, кейинчалик ёғланиш ҳолати камайиб боради.
Нотўғри танланган воситалар ҳам сабаб бўладими?
Албатта, аслида номуносиб маҳсулотлардан фойдаланиш бунинг асосий сабаби бўлиши мумкин. Мум ёки шунга ўхшаган воситалардан иложи борича қочиш керак. Бошқа тозалалш воситалари эса сочларни чиройли кўринишида ёрдам беради. Агар эрталаб уйғонганда сочларни ювишга тўғри келса, аммо бунга вақт бўлмаса, нима қилиш мумкин? Бундай пайтда энг яхши ечим – соч турмаги ҳисобланади. Сочлар тепага йиғиштирилиб, сўнг битта ўрим тарзида ўраш пайтида соч қисмларига махсус қотирувчи восита сепилса, кун давомида сақланиб турадига, ажойиб соч турмаги ҳосил бўлади.
Изоҳ (0)